![Azərbaycan deflyasiya mərhələsinə daxil olub](https://turan.az/resized/750/500/resize/media/2013/main/072400043488.jpg)
- İqtisadiyyat
- 24 İyul 2013, 14:13
- 100
Azərbaycan deflyasiya mərhələsinə daxil olub
İyunda istehlak qiymətləri və tariflər mayla müqayisədə 1,1% azalıb, -deyə Dövlətstatkom məlumat verir.
DSK-ya görə, ərzaq 2,6% ucuzlaşıb, qeyri-ərzaq mallarının qiyməti dəyişməyib, xidmət qiymətləri 0,1% bahalanıb.
İli əvvəlindən istehlak qiymətlərinin artım dinamikası 2% olub. Ərzaq 1,8%, qeyri-ərzaq mallarının qiyməti 0,5%, xidmət qiymətləri 3,3% bahalanıb.
Azərbaycanda yayda, adətən, deflyasiya olur. Bu isə kənd təsərrüfatı məhsullarının bazara çıxması ilə bağlıdır. Bu vaxt həyətyanı sahəsi olanlar öz həyətindəki meyvə və tərəvəzdən istifadə edir, Ticarətçilər potensial alıcıları qorumaq üçün qiyməti minimuma endirirlər. Deflyasiyaya istehlak faktorunun təsirini statistik məlumatlar da göstərir. Ona əsasən, əhalinin xərclərinin 68,9 %-i istehlak mallarına gedir və ərzaq burda böyük çəkiyə malikdir. Xərclərin 12,6 %-i vergilərə, sosial və başqa ödənişlərə, 19,7 %-i əmanətlərə yönəldilir.
Analitiklər hesab edir ki, məhz kənd təsərrüfatı amili yayda alıcı passivliyi yaradır və pul dövriyyəsi azalır. Bir sıra səbəblərdən deflyasiya inflyasiyadan daha əlverişli faktor sayılır. İndki şəraitdə deflyasiya iqtisadiyyatda tənəzzül, məhsul istehsalının azalması və işsizliyin artımını göstərir. Əhalinin ucuz kənd təsərrüfatı məhsullarının hesabına qənaət etməsi isə ailələrin çoxunun büdcəsinin kəsirindən xəbər verir. Ölkədə orta əmək haqqı 400 manat, orta pensiya 160 manatdır. BVF-nin məlumatına əsasən, Azərbaycan adambaşına ÜDM-ə görə dünyada 111-ci yerdədir (8340 manat ($10 700). ÜDM-in yarısının neft hesabına formalaşdığı nəzərə alınsa, bu, zəif göstəricidir.—0—
-
- İqtisadiyyat
- 24 İyul 2013 13:46
-
- İqtisadiyyat
- 24 İyul 2013 14:28
İqtisadiyyat
-
Azərbaycan Dövlət Neft Şirkəti (ARDNŞ) və İtaliyanın Eni SpA şirkəti arasında enerji keçidinə dair Anlaşma Memorandumu imzalanıb. Bu barədə Azərbaycanın İqtisadiyyat naziri Mikayıl Cabbarov “X” sosial şəbəkəsindəki hesabında məlumat verib.
-
Azərbaycanın iqtisadiyyat naziri Mikayıl Cabbarov iyulun 29-da Türkiyənin “Kibar Holding” konqlomeratının sədri Ali Kibar ilə görüşüb. Görüş zamanı ikitərəfli əməkdaşlığın gücləndirilməsi, sənaye istehsalına investisiyaların artırılması və enerji sektorunda tərəfdaşlıqların dəstəklənməsi məsələləri müzakirə edilib.
-
Azərbaycan Respublikasının Nazirlər Kabineti Rəqabət Məcəlləsinin 30.1-ci maddəsində göstərilən ərizə formasını təsdiq edib. Bu qərar Azərbaycan Respublikası Prezidentinin 2023-cü il 2 dekabr tarixli 1051-VIQ nömrəli Fərmanına uyğunlaşdırılması və Rəqabət Məcəlləsinin tətbiqi ilə bağlı normativ tələblərin həllinə yönəlib.
-
Azərbaycan Prezidenti İlham Əliyev 2025-ci ilin yanvar ayından qüvvəyə minəcək Azərbaycan Respublikasının Torpaq Məcəlləsində dəyişiklik edilməsi haqqında fərman imzalayıb. Qanunvericilikdə edilən dəyişikliklər kənd təsərrüfatı torpaqlarının idarə edilməsi və istifadəsinin təkmilləşdirilməsinə, habelə tənzimləmə proseslərinin təkmilləşdirilməsinə yönəlib.
Rəy yaz