Balıq istehlakı artır

Son 5 ildə Azərbaycanda balıq və balıq məhsulları istehlakı 21% artıb, deyə Dövlətstatkom məlumat verir. Yerli balıq istehsalının 97,5%-i (49,7 min ton) vergi uçotu olmadan balıq satanların adına yazılır. AMEA Zoologiya İnstitutunun rəyinə görə, bir sıra dəniz balıq növləri tükənmək üzrədir.

Azərbaycanda ildə 69 557 ton balıq (2013-cü il) istehlak edilir. Dövlət strukturları «fiziki şəxslər bu qədər balığı harada tutur?» sualına cavab vermir. Balıq şirkətləri rəsmən cəmi 794 ton balıq tutur. Daxili sututarlarda ildə 115-125 ton balıq tutulur. Göl təsərrüftalarında 350 ton balıq istehsal edilir.     

Balıq və balıq məhsullarının istehlak balansına əsasən, 29% və ya 20 177 ton satılan balıq idxalın payına düşür. Amma gömrükçülərə görə, 2013-cü ildə 17,5 min ton balıq və balıq məhsulları idxal edilib. KTN Dövlət Baytarlıq Xidməti gömrükdə 2665 ton kəsir tapıb. Söhbət $10 mln-a yaxın vəsaitdən gedir.

2014-cü ilin yanvar-sentyabrında balıq və balıq konservi idxalı həcmi 10,3 min ton olub. Bir ton balıq $670,9-a idxal olunub. Bu, 2013-cü ildəkindən 4% çoxdur4. Mütəxəssislərə görə, idxalçılar pərakəndə ticarətdən böyük gəlir götürür. Pərakəndə qiymətlə gömrük rəqəmi arasında 3-5 dəfə fərq var. 

Dövlətstatkomun məlumatına görə, ən ucuz balıq kilkədir – 1,76 manat Buzlu okean balığı 4,50 manat, dəniz balığı 6 manatadır.

Son 4-5 ildəki moratoriuma baxmayaraq, ixtisaslaşdırılmış mağazalarda təzə və hisə verilmiş nərə balığı satılır. DSK-ya görə, onların qiyməti 40-50 manatdır.  

Ölkədə balıq emalı ilə “Caspian Fish co.-Azerbaijan” MMC məşğul olur. Onun bakıda bir neçə ixtisaslaşdırılmış mağazası var. 2013-cü ildə müəssisə 127,4 ton balıq məhsulu istehsalı barədə hesabat verib. 08B