Bundan sonra özəlləşdirilən əmlak bazar şərtləri ilə qiymətlərndiriləcək

Nazirlər Kabinetinin 5 oktyabr tarixli qərarına əsasən, özəlləşdirilən dövlət müəssisə və obyektlərinin, müəssisə və obyektlərin yerləşdiyi dövlət torpaq sahələrinin qiyməti bazar prinsipi ilə hesablanacaq.

2001-ci ildən qüvvədə olan qaydalara əsasən, əmlakın qiyməti inventar qiyməti nəzərə alınmaqla hesablanıb. Özəlləşdirilən dövlət və özəl müəssisə və obyektlərin yerləşdiyi dövlət torpaq sahələrinin qiyməti 1998-ci ildən normativ qiymət ilə hesabalnıb.

Hökumətin qərarına əsasən, özəlləşdirilən dövlət müəssisələrinin start qiyməti daşınmaz əmlakın dövlət reyestrində daşınmaz əmlakın alqı-satqısı zamanı təşəkkül tapan bazar dəyərindən aşağı olduqda, həmin müəssisələrin qiymətləndirilməsi “Qiymətləndirmə fəaliyyəti haqqında” qanuna uyğun olaraq həyata keçirilir.

Bu qanun əmlakın bazar tələbinə uyğun qiymətləndirilməsini müəyyən edir. Bu, başqa daşınmaz əmlak, nəqliyyat vasitələri və avadanlıqlara da aiddir.

Maraqlıdır ki, oktyabrın 7-də Əmlak Məsələləri Dövlət Komitəsi 51 daşınmaz əmlak obyektinin satışı üzrə hərrac elan edib və onlar bazar şərtləri ilə qiymətləndirilib. Məsələn, Yasamalda 57 m2-lik qeyri-yaşayış sahəsi 200 min manat və ya  1 kv m-i 3466 manat qiymətləndirilib. Son vaxtlara qədər bu qədər ərazisi olan sahələri ƏMDK-də hərrac vasitəsilə 20 min manatadək qiymətləndirmək olardı.  08B