Kənd təsərrüfatı malları bazarının təkmilləşdirilməsi üzrə prioritetlər müəyyən edilib

Kənd Təsərrüfatı Nazirliyi kənd təsərrüfatı malları bazarının təkmilləşdirilməsi üzrə prioritetləri müəyyən edib. Yeni şərait fermerlərin bazara sərbəst çıxışını təmin etməli və onların maraqlarına cavab verməlidir, deyə qurumun rəhbəri Heydər Əsədov bildirib.

Kənd Təsərrüfatı Nazirliyi hesab edir ki, dövlət özəl tədarük-ticarət baza və şirkətlərinin, logistika mərkəzlərinin, qablaşdırma və tara təsərrüfatlarının, avtorefrijerator parklarının yaradılmasına dəstək verməlidir. Bakı və regionlarda ixtisaslaşdırılmış fermer mağazası və yaşıl marketlərin yaradılmasına da kömək lazımdır. 

Sanitar normalara cavab verən heyvan kəsilməsi və ət satışı məntəqələrinin yaradılması da prioritetlərdəndir.

Nazir hesab edir ki, ədalətsiz rəqabət mühiti də problem olaraq qalır. Ölkə daxilində bu malların nəqlindəki əngəllər və ixrac prosedurlarının sadələşdirlməsi də bunlardandır. DB və BVF-nin «Doing Business-2015» hesabatına əsasən, 1 konteynerin ixracı $3 460-a başa gəlir və 27 gün çəkə bilər. Gürcüstanda isə buna bir həftə və $1 355 tələb olunur .

Yeni bazar infrastrukturu yaradılmasına başlanılıb. İlin sonunda Bakı və Abşeronda 110 min tonluq 3 logistika mərkəzi istismara veriləcək. Güzəştli kreditlə Bakıda «Yaşıl market» kompleksinin tikintisi maliyyələşdirilib. Bakıda heyvan kəsilməsi və ət satışı üzrə 3 məntəqənin yaradılması üçün yer müəyyən edilib. Birinci məntəqənin tikintisi başa çatır. 08D