Sahibkarlar özlərini müdafiə olunmuş hiss etmirlər
Kiçik biznes nümayəndələri arasında sorğunun məqsədi onların problemlərini üzə çıxarmaq idi, bu barədə Sahibkarlığın və Bazar İqtisadiyyatının İnkişafına Yardım Fondunun rəhbəri Sabit Bağırov bildirib.
Çərşənbə axşamı “Kiçik biznesin inkişafına yardım” layihəsinin təqdimatında Bağırov qeyd edib ki, son ildə sahibkarlığın inkişafı haqqında çox sayda fərman və qərarların qəbul edilməsinə baxmayaraq, problemlər var.
“Sorğu iştirakçılarının sözlərinə görə, problemlərin əsas mənbəyi devalvasiya və əhalinin alıcılıq qabiliyyətinin aşağı düşməsidir. Amma daha bir səbəb var - orta və aşağı səviyyəli məmurların fərmanları və qərarları yerinə yetirməməsi.
Onlar deyirlər ki, tezliklə hər şey əvvəlki qaydalara qayıdacaq”, deyə Bağırov bildirib.
Sorğunun nəticələrini Kiçik və Orta Müəssisələrin İnkişafına Yardım Mərkəzinin direktoru İlkin Qarayev təqdim edib. Sorğu ölkənin bütün iqtisadi zonalarında 1000 sahibkar arasında aparılıb.
Suallar biznes sahəsindəki vəziyyətə, aparılan yoxlamalara, Milli Sahibkarlığa Yardım Fonduna, vergi və gömrük sisteminə və s. aid olub.
Beləliklə, rəyi soruşulanların 33,9%-i biznes sahəsindəki vəziyyəti “çox əlverişsiz” kimi qiymətləndirib, 27,9%-i “cavab verməyə çətinlik çəkib, 27,4%-i “əlverişsiz”, 10%-i “nə pis, nə yaxşı” adlandırıb və cəmi 0,8%-i bu vəziyyəti “əlverişli” adlandırıb.
Respondentlərin 47,3%-i ölkə rəhbərliyinin korrupsiyanın azalması üzrə addımlarından sonra yaxşılaşmalar hiss etmir, 36,8% hesab edir ki, vəziyyət qismən yaxşılaşıb, 13,6% cavab verməyə çətinlik çəkib və cəmi 2,3% vəziyyətin yaxşılaşdığını deyib.
Sahibkarların 32,7%-i onların fəaliyyəti sahəsində rəqabəti ədalətsiz hesab edir, 31,9% deyib ki, vəziyyət qismən ədalətsizdir, 17,7% qismən ədalətli hesab edir,17% cavab verməyə çətinlik çəkib, 0,7% rəqabəti tamamilə ədalətli adlandırıb.
Respondentlərin 20%-i bildirib ki, Milli Sahibkarlığa Yardım Fonduna kredit almaq üçün müraciət edib və bunun cəmi 31%-i (62 sahibkar) kredit ala bilib.
Sahibkarların 69,3%-i özünü məmur özbaşınalığından müdafiə olunmuş hesab etmir, 66,4% hesab edir ki, vergilərin miqdarı azaldılmalıdır, 59,7% bildirib ki, Azərbaycanda qanunları pozmadan bizneslə məşğul olmaq mümkün deyil.
Təqdimata yekun vuran Qarayev bildirib ki, təəssüf ki, kiçik biznes nümayəndələri indiyə qədər ölkə iqtisadiyyatında mühüm rol oynaya bilmir.
“Sahibkarların 97%-i orta və kiçik biznes kateqoriyasına aiddir. Amma ölkə ÜDM-də orta və kiçik biznesi payı 3%-ə belə çatmır, məşğuluqda 8%, ixracatda 2,5%-dir”, deyə o qeyd edib. -71D-
-
- Cəmiyyət
- 25 Oktyabr 2016 17:21
-
- Söz istəyirəm
- 25 Oktyabr 2016 17:59
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz