İstanbul/19.04.19/Turan: İstanbulda Azərbaycan doğumlu Türk rəssamı İbrahim Safinin əsərlərindən ibarət kitab çap edilib.
Azərbaycanın İstanbuldakı baş konsulluğunun təşəbbüsü ilə kitabı Türkiyənin ən böyük özəl nəşriyyatı olan "Kırmızı kedi" çap edib.
Kitaba yazdığı ön sözdə Azərbaycan Respublikaısının İstanbuldakı baş konsulu Məsim Hacıyev "İbrahim Safinin sənətkar taleyi bir qardaşın o birinə qucaq açmasının parlaq örnəyidir...Azərbaycan öz sənətkar övladı İbrahim Safi"nin kitabını ilk dəfə çap etdirməyin sevincini yaşayır"- deyə vurğulayıb.Kitabın arxa qabığındakı yazıda isə İbrahim Safinin Türk rəsm sənətinə "rəng" məfhumu gətirdiyi xüsusi qeyd edilib.
XX əsr Türk rəsm sənətinin böyük ustalarından biri olan İbrahim Safi (Rəhman Səfiyev) 1898-ci ildə Naxçıvanın Şərur bölgəsindəki Baş Noraşen (indiki Cəlilkənd) kəndində anadan olub.1913-cü ildə İrəvan gimnaziyasında 1 il rəsm təhsili alıb.
1918-ci ildə bölgədəki Türk ordusunun dəstəyi ilə İstanbula gedib.İstanbulda Memar Sinan adına İncəsənət Akademiyasında təhsil alan İbrahim Safi 1930-cu ilə qədər o dövrün məşhur rəssamlarından biri olan Namık İsmailin emalatxanasında çalışıb.
1930-cu illərin əvvəlindən kalmık mənşəli rəssam Naci Kalmıkoğlu (Nikolay Kalmıkov) ilə yaxın dostluq münasibətləri quran İbrahim Safi, 1951-ci ildə rəssam dostunun müəmmalı ölümündən çox təsirlənib.
1953-cü ildə İstanbulda yunan mənşəli Zaxora adlı qadınla evlənən İbrahim Safi 1950-ci illərin ortalarından başlayaraq, Avropa ölkələrini gəzib,başda Yunanıstan olmaqla mühüm sənət mərkəzlərində sərgilər açıb.
Yaxın dostları İbrahim Safinin 15 mindən çox tablo yaratdığını deyirlər.İbrahim Safi 5 may 1983-cü ildə 100-cü fərdi sərgisinin açılmasından bir neçə gün sonra 85 yaşında İstanbulda vəfat edib.-0-
Mədəniyyət
-
Azərbaycan kinosunun çoxdan gözlənilən anı nəhayət gəlib çatdı. Yerli rejissorlar öz yeni əsərlərini təqdim edərək, animasiya, dram və uşaqlıq xəyalları ilə dolu bir qarışığı böyük ekranlara gətirdilər. Nurlan Həsənlinin Erkən Hisslər, Hacı Səfərovun Tərsinə Kölgələr və Məsud Pənahinin animasiya filmi Nərqız maraqla gözlənilən tamaşaçılar tərəfindən həm alqışla, həm də tənqidlə qarşılandı.
-
Tarixdə baş verən hadisələr sadəcə bir rəqəm, tarixi yaddaş olaraq qalmır. Bu hadisələr mədəni yaddaşda da dərin izlər buraxır. Xüsusən sənətçilər hadisələri öz hiss etdikləri, anladıqları formada əsərlərinə köçürdürlər. 20 Yanvar da mədəni yaddaşa köçmüş hadisələrdən biridir. Müasir dövr yaradıcılığında nisbətən az işlənən mövzu olsa da heç vaxt öz aktuallığını itirmir. Bu tarixi yaddaş necə göstərilməlidir? İncəsənətdə necə öz əksini tapır?
-
Yanvarın 16-da nüfuzlu Gazelli Art House Elnarə Nəsirlinin irimiqyaslı “Meşənin Pıçıltısı – Səsin Sehri” adlı sərgisinin ikinci qapalı təqdimatına yenidən qapılarını açdı. Azərbaycanlı rəssamın bu sərgisi müxtəlif ölkələrin diplomatları, səfirlik nümayəndələri və xüsusi dəvətli qonaqlar tərəfindən böyük maraqla qarşılandı. Tədbir sərginin mədəniyyətlərarası və ekoloji əhəmiyyətini bir daha vurğuladı.
-
Hər il yanvarın 13-də Litva xalqı 1991-ci ildə müstəqillik uğrunda həyatlarını qurban vermiş qəhrəmanlarını anaraq Azadlıq Müdafiəçiləri Gününü qeyd edir. Bu mühüm tarix, Litva tarixində azadlıq iradəsinin Sovet təzyiqləri üzərində qələbə çaldığı dönüş nöqtəsini simvolizə edir. Həmin gün 14 nəfər həlak oldu, yüzlərlə insan yaralandı, lakin azadlıq arzusu heç vaxt sarsılmadı. Azadlıq Müdafiəçiləri Günü, Litva xalqının keçmişinə nəzər saldığı və azadlığın həqiqi qiymətini dərk etdiyi bir gündür.
Rəy yaz