Şənbə günü prezidentliyə respublikaçı namizəd Mitt Romney kongresmen Paul Ryanı (R-Wisconsin) öz komandasında vitse-prezident olaraq gördüyünü açıqlayıb. Bu qərar noyabrda keçiriləcək seçkilərdə respublikaçılara rəğbəti ilə seçilən Azərbaycan lobbiçilərin və türk diasporunun qanını qaraldıb.
Belə ki, 42 yaşlı konqresmen Ryan 2007-ci ildə irəli sürülmüş "erməni soyqırımı" iddialarının tanınmasını tələb edən HR 252 qanun layihəsinin güclü dəstəkçisi və hətta müəlliflərindən biri olub.
Xüsusilə son 10 il ərzində o, prezidentlər Buş və Obama administrasiyaları qarşısında 1915-ci il hadisələrinə siyasi qiymətin verilməsi məsələsini dönə-dönə qaldırıb.
Amerikadakı Erməni Milli Şurası bəyanat yayaraq Romneyin seçimini alqışlayıb və həm respublikaçı, həm də demokratları "soyqırım" mövzusunda erməni seçiciləri qarşısında mövqelərini qətiləşdirməyə çağırıb.
Çox güman ki, Azərbaycan və türk lobbiçiləri qarşıdakı 3 ay ərzində Obama administrasiyası ilə münasibətlərini sıxlaşdırmağa çalışacaq.
Ancaq Vaşinqtonda region üzrə ixtisaslaşmış müşahidəçilərin fikrincə, bu, indiki halda nə demokratların, nə də elə bu ölkələrin özündə hakim qüvvələrin ürəyindən xəbər vermir.
Belə ki, respublikaçılarla müqayisədə Obama administrasiyası hakimiyyətdə olduğu son illər ərzində həm Bakı, həm də Ankaranı hər iki ölkədə azad media və vətəndaş cəmiyyətlərinə olan basqılara görə açıq tənqid etməkdən çəkinməyib.
“Bu sahələrdə əhəmiyyətli addım atmadan, nə hazırkı administrasiyanın uzunmüddətli rəğbətini qazanmaq olar, nə də onun seçkilərdə mövqeyini gücləndirmək”, - Vaşinqtonda seçki eksprtlərindən biri Turana-a bildirib və əlavə edib ki, terrorizmlə mübarizədə qazanılan uğurlarla yanaşı, son iki ilin ərəb inqilabları çox güman ki, qarşıdakı 3 ay ərzində demokratların əlində əsas təbliğat kampaniyasına çevriləcək.
Ümumilikdə, Romneyin Ryanı komandasında ikinci adam vəzifəsinə çəkməsi ölkəboyu həm liberalları, həm də mühafizəkarları həyəcanlandırıb. Belə ki, onun səhiyyə sığortası və büdcə dəyişikliklərinə yanaşması xeyli vaxtdır ki, Amerika cəmiyyətində ciddi polemika yaradıb.-25V-
Siyasət
-
“Müdafiə Xətti” hüquq müdafiə təşkilatının həbsdə olan icraçı direktoru Rüfət Səfərovun anası Tahirə Tahirqızının ölkədən çıxışına qadağa qoyulduğu bildirilir.
-
Yanvarın 15-də Tbilisi Apellyasiya Məhkəməsi Gürcüstanda ekstradisiya məqsədi ilə barəsində həbs qətimkan tədbiri seçilmiş Azərbaycanın Azel.TV saytının rəhbəri Əfqan Sadıqovun Azərbaycana ekstradisiya olunması ilə bağlı Tbilisi Şəhər Məhkəməsinin qərarından şikayətə baxacaq.
-
25 dekabrda Qazaxıstanda qəzaya uğramış Azərbaycanın Embraer təyyarəsinin qara qutuları hazırda Brasiliyada beynəlxalq bir təşəbbüs çərçivəsində təhlil olunur ki, bu da 38 nəfərin həyatına son qoyan qəzanın səbəbini müəyyən etmək məqsədi daşıyır, bu barədə O Globo 2 yanvarda xəbər verib. Braziliya Hərbi Hava Qüvvələri davam edən araşdırmanın, Braziliya tədqiqatçılarından üçü də daxil olmaqla həmçinin Azərbaycan və Rusiya nümayəndələrinin də iştirak etdiyi bu araşdırmanın hələ də müəyyən bir bitmə tarixi olmadığını elan etmişdir, lakin hakimiyyətlər tez nəticələrə ümid edirlər.
-
Dekabrın 25-də Qroznı yaxınlığında AZAL təyyarəsinin qəzaya uğraması ilə bağlı istintaq qismən məxfiləşdirilib. Bu barədə şənbə günü VChK OGPU teleqram kanalı məlumat yayıb.
Rəy yaz