Баку/05.07.23/Turan: Həbsdə olan Azərbaycan Yüksəliş Partiyasının sədri Anar Əsədli iyulun 5-də azadlığa buraxılıb.
Bu barədə Turana A.Əsədlinin yaxınları məlumat verib.
Onların sözlərinə görə, A.Əsədli məhkəmənin qərarı ilə istintaq dövründə ev dustaqlığına buraxılıb. "Vəkilimiz vəsatət vermişdi. Bu gün Nərimanov Rayon Məhkəməsində vəsatətə baxılıb və Anar bəy ev dustaqlığına buraxılıb".
Vəkil Hikmət Əliyev bu məlumatı təsdiqləyib. Onun sözlərinə, görə Əsədli özünü təqsirli bilmir və ona görə də tam bəraət istəyəcək.
Anar Əsədli bu ilin aprelin 21-də həbs olunub. Ona qarşı Cinayət Məcəllisinin 178-ci maddəsi ilə ittiham irəli sürülüb. Barəsində məhkəmə qərarı ilə 2 ay 23 gün müddətə həbs qətimkan tədbiri seçilmişdi. Anar Əsədli ittihamları rədd edərək həbsini siyasi fəaliyyəti ilə əlaqələndirmişdi.
İyunun 23-də isə Azərbaycan Yüksəliş Partiyasının fəaliyyətinin dayandırılması barədə elan olunub.-0-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz