![Али Гасанов](https://turan.az/resized/750/500/resize/media/2018/main/021600007699.jpg)
Али Гасанов
Əli Həsənovun özündən əminliyi növbəti dəfə Bakını pis vəziyyətdə qoydu
Vaşinqton/16.02.18/Turan: Dövlət başçısının köməkçisi Əli Həsənov tərəfindən Luka Volonte işi ilə əlaqədar Qərb KİV-lərinin ünvanına tənqid və hədələr Qərbdə cavab reaksiyası doğurub.
Belə ki, Həsənovun Milan məhkəməsinin Luka Volonteyə bəraət verəcəyini və Bakının Qərb KİV-lərini və təşkilatlarını məsuliyyətə cəlb etmək üçün bundan istifadə edəcəyini bəyan etmək cəhdləri mənfi reaksiyaya səbəb olub. Turan-ın Vaşinqton müxbirinin verdiyi məlumata görə, bir sıra nüfuzlu KİV-lər bu mövzuya qayıtmaq və yaxın günlərdə Luka Volonte işi üzrə Azərbaycan hakimiyyətinin ünvanına tənqidi materiallar dərc etmək niyyətindədirlər.
Həsənovun Volontenin Milan məhkəməsində reabilitasiya olunması haqqında iddiası həqiqətə uyğun deyil, iş davam edir və rüşvət alma faktı sübuta yetirilib. ABŞ-ın maliyyə departamenti fevralın 14-də Volontenin Azərbaycan pullarının yuyulması işində adı keçən Latviya bankına qarşı sanksiya qəbul edib, deyə vəziyyətlə tanış olan ekspertlər qeyd edirlər.
Beləliklə, Həsənov vaxtından əvvəl prezident seçkilərinin elan edilməsindən sonra rəsmi Bakıya qarşı tənqidi nəşrləri minimuma endirməyə müvəffəq olmuş Azərbaycan lobbiçilərinin işinə zərbə endirib.
Dövlət Departamenti missiyasının ötən həftə Bakıya səfərindən sonra Amerikanın aparıcı KİV-lərinə Azərbaycanın ünvanına tənqiddən qaçmaq tövsiyəsi verilib, amma Həsənov sayəsində vəziyyət dəyişir. Vaşinqtonun Azərbaycanda siyasi məhbusları dəstəkləməsi zərurəti haqqında məsələnin Konqresdə dünənki müzakirələrini ilk qaranquş hesab etmək olar. -25B-
-
- Dünyada
- 16 Fevral 2018 12:06
-
- Söz istəyirəm
- 16 Fevral 2018 12:55
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz