Əliyev və Nəhyan Azərbaycanla Birləşmiş Ərəb Əmirlikləri arasında əməkdaşlıq perspektivlərini müzakirə ediblər

Bakı/28.10.23/Turan: Oktyabrın 27-də Azərbaycan və Birləşmiş Ərəb Əmirliklərinin liderləri - prezident İlham Əliyev və Şeyx Məhəmməd bin Zayed əl Nəhyanın telefon danışığı zamanı ölkələr arasında ikitərəfli münasibətlər müzakirə edilib.

Prezidentin mətbuat xidməti bildirib ki, investisiyalar, ticarət-iqtisadi əlaqələrin genişləndirilməsi, bərpa olunan enerji, turizm və digər sahələrdə əməkdaşlıq məsələləri müzakirə olunub.

Əliyev Birləşmiş Ərəb Əmirliklərinin “Masdar” şirkətinin Azərbaycanda Qaradağ Günəş Elektrik Stansiyasını inşa etməsinin vacibliyini qeyd edib.

Günəş elektrik stansiyasının açılış mərasimində Birləşmiş Ərəb Əmirliklərindən böyük nümayəndə heyətini, o cümlədən 4 nazirin iştirakını qeyd edən Azərbaycan prezidenti bunu iki ölkə arasında "dostluq və tərəfdaşlıq"ın göstəricisi kimi dəyərləndirib.

O qeyd edib ki,  230 meqavat gücündə Qaradağ Günəş Elektrik Stansiyası regionun ən böyük günəş elektrik stansiyasıdır.

Dövlət başçıları beynəlxalq təşkilatlar, o cümlədən Birləşmiş Millətlər Təşkilatı, İslam Əməkdaşlıq Təşkilatı, Qoşulmama Hərəkatı və digər qurumlar çərçivəsində iki ölkə arasında əməkdaşlıq məsələlərini də müzakirə ediblər.

Telefon danışığı Azərbaycan tərəfinin təşəbbüsü ilə baş tutub.

Oktyabrın 27-də Əliyev Birləşmiş Ərəb Əmirlikləri sənaye və qabaqcıl texnologiyalar, energetika və infrastruktur, investisiyalar, iqtisadi məsələlər üzrə dövlət  nazirlərinin iştirak etdiyi nümayəndə heyətini qəbul edib06В