Üç azərbaycanlı Gürcüstanın yeni parlamentinə deputat seçildi

Bakı/ 03.11.20/Turan: Oktyabrın 31-də Gürcüstan Parlamentinə keçirilmiş seçkilərin nəticələri üzrə respublikanın Mərkəzi Seçki Komissiyasının (MSK) verdiyi ilkin məlumatlara görə, bölgələrdəki  14 dairədə “Gürcü Arzusu”nun majoritar namizədləri səslərin 50%-dən çoxunu yığıb ki, bu da 1-ci  turda hakim partiyanın qələbə qazanmasını təmin edib.  Qanunvericiliyə əsasən, bölgələrdəki qalan 8 dairə və Tiflisdəki 8 dairədə kimin parlamentə mandat alacağını  müəyyən etmək üçün noyabrın 21-də  2-ci tur keçirilməlidir.

10-cu çağırış Gürcüstan Parlamentinə  3 azərbaycanlı seçildi: Marneuli Icra Hakimiyyətinin başçısı Zaur Darğallı  (hakim "Gürcü Arzusu" Partiyasından Marneuli-Qardabani seçki dairəsindən, majoritar qaydada), Savalan Mirzəyev (əvvəlki çağırışdakı parlament çoxluğunun üzvü, proporsional qaydada –  partiya siyahısı ilə) və Abdulla İsmayılov (namizəd və biznesmen, müxalif “Vahid Milli Hərəkat” Partiyasının (VMHP) proporsional siyahısı ilə). VMHP-dən olan namizədlər siyahısında  deputat seçimiş aktyor və müğənni Vaxtanq Kikabidze  (“Güc birlikdədir ” bloku) birinci göstərilmişdi.

M. Saakaşvilinin başçılıq etdiyi müxalif  “Milli Hərəkat Partiyası”  iqtidarı səsvermə nəticələrinin saxtalaşdırılmasında suçladı. Seçkilərin yekunlarına görə  Gürcüstan Parlamentinə keçmiş "Vahid Milli Hərəkat –  Güc birlikdədir " müxalif bloku parlamentə daxil olmaqdan imtina etdi. Gürcüstanın “Birinci kanal”ının xəbər verdiyi  kimi, bunu həmin partiyanın liderlərindən biri  olan Nika Meliya bildirib:  " Digər müxalif siyasi partiyalar kimi, biz siyasətə heç bir aidiyyəti olmayan parlamentə daxil olmamaq barədə qərar qəbul etdik". Müxalifət yeni seçkilərin keçirilməsini  tələb edir.

“Sputnik – Gürcüstan”  yazır ki, 7 partiya – “Qirçi”, “Lelo Gürcüstan üçün”, “Avropa Gürcüstanı”, “Vətəndaşlar”, “Gürcüstan vətənpərvərləri alyansı” partiyaları, Leyborist Partiyası və  “Aqmaşenebeli Strategiyası” Bloku – parlamenti  boykot etdiklərini əvvəlcədən bəyan edib.

Müxalifət seçkilərin saxtalaşdırıldığını bəyan edib və noyabrın 1-də təkrar seçkilər keçirilməsi tələbi ilə izdihamlı  etiraz aksiyası keçirib. Gürcüstanın  seçkilərin nəticələri ilə razı olmayan partiyaları noyabrın 8-də da Tiflisdə  ölkənin əyalət  sakinlərinin iştirakı ilə irimiqyasllı mitinq keçirəcək.

Bununla bərabər, beynəlxalq müşahidəçilər seçkilərin  qanunvericiliyə uyğun surətdə keçirildiyini və aşkar edilmiş qüsurların səsvermənin  yekunlarına  təsir göstərmədiyini  hesab edirblər.

Fəqət sabiq müdafiə naziri Tina Xidaşelinin  fikrincə, oktyabrın 31-də Bidzina İvanişvili demokratiyaya qarşı sərt  əməliyyat həyata keçirib.

Bu arada Jam-news.net Facebook-da  “Gürcü Arzusu”nun inzibati resurs və maaşların  üçqat artırdığı və bununla da seçicilərin sabit sayını çoxaltdığı barədə postların yazıldığından xəbər verib.

 “Rüsvayçılıq“ Hərəkatının üzvü Şota Diqmelaşvilinin fikrincə,  “Bu seçkilər elə lap əvvəldən saxtalaşdırılmışdı. İqtidar  həddindən artıq inzibati resurs üstünlüyünə malikdir, bu isə nəticənin bu cür olmasının əsas səbəbidir. İndi müxalifət daha düzgün hərəkət etməlildir. Müxalifətin deputat mandatlarından imtina  etmək kimi təsir vasitəsi vardır: əgər deputatların üçdə  ikisi parlamenti  legitim saymırsa, bu, praqmatik cəhətdən düzgün  və ədalətli olar”.

Gürcüstanda oktyabrln 31-də keçirilmiş parlament seçkilərində 150 deputat mandatı uğrunda 48 partiya və 2 müxalif blok mübarizə aparırdı. Seçkilərdə verilmiş səslərin 100%-nin işlənməsi nəticəsində hakim “Gürcü Arzusu” Partiyası səslərin ən çox hissəsini –  48%-ni qazandı.

Sabiq  prezident Mixeil Saakaşvilinin "Birləşmiş Milli Hərəkat – Güc birlikdədir" Partiyası səslərin 27,12%-ni yığaraq ikinci oldu. Parlamentə 7 partiya və 2 blok seçildi.

Seçkilərədə elektoratın 56.11%-i iştirak edib, 1. 970. 540 seçici  öz mövqeyini bildirib, 1.555.483 seçici isə məntəqələrə gəlməyib.-0-