Bir həftə Türkiyədə zəlzələ bölgəsində işləyən bir jurnalist kimi bu fəlakətin nə qədər ağır bir “silah” olduğunu gördüm. Zəlzələ fəlakəti müharibədən də ağır və dəhşətlidir.
Burada yalnız insan həyatı deyil, hər şey məhv olur. Körpə, qoca, cavan hər kəs, iqtisadiyyat, infrastruktur. Yerin alt qatından gələn fəlakət üst qatda qarşısına çıxan hər şeyi dağıdıb məhv edir. Necə ki, Kahramanmaraş, Adıyamanda, Hatayda hər şey məhv oldu.
Yer üzündən silindi. Xarabalığa döndü bu şəhərlər. Şəhərləri gəzdikcə tez-tez öz-özümə deyirdim: “Bu qədər insan, xatirələr hamısı bir anda necə məhv ola bilər?” Hələ də dağıntılar altından yemək yemədən, su içmədən sağ çıxacaq qohumunu ocaq qalayaraq, ümidlə gözləyən insanları demirəm.
Gecəni gündüzə qatıb həsrətlə dağıntıların altından çıxan "möcüzə"ni gözləyən qohumlar. Zaman keçdikcə iztirablar daha da artır. Havaların soyuq keçməsi sağqalma ehtimalını daha da azaldır. Öz övladının parçalanmış cansız bədənini əzizləyən atanın fəryadı, ananın göz yaşları... Xilasedicilərin “sakit dayanın dağıntıların altından səs gəlir” qışqırmaqları...
Bu mənzərələri görmək çox ağırdır. Əlimdən nə gəlir edə bilim deyirsən, amma nə fayda? Sanki sevinc və kədər bir yerə toplanıb… Artıq dağıntılardan 7-ci gün keçmişdi, traktor və ağır texnika bəzi ərazilərdə kütləvi təmizlənmə işlərinə başlayıb.
Hava limanından geri qayıdanda 37 min cəsəd çıxarılmağı ilə bağlı statistikanı oxudum. Yerli sakinlər isə ölü sayının 100 mini keçəcəyini deyir. Ümid edirəm nə zamansa yenidən bu yerlərə gələcəm. Yenidən buralarda fotolar çəkəcəm.
Söz istəyirəm
-
22 yanvar Ukrayna üçün mühüm bir tarixdir – biz bu gün Ukraynanın Birləşmə Gününü qeyd edirik. Məhz 1919-cu ilin bu günü Kiyevdəki Sofiya meydanında Ukrayna Xalq Respublikası (UXR) ilə Qərbi Ukrayna Xalq Respublikasının (QUXR) birləşməsi haqqında Akt elan edildi. Bu, tarixi bir an idi ki, o zaman ukraynalıların vahid və bölünməz Ukrayna arzusu gerçəkliyə çevrildi.
-
20 yanvar ərəfəsində arxivləri yerbəyer edərkən rəhmətlik həmkarım Fərhad Kərimovun mənə verdiyi fotoşəkillər qovluğuna rast gəldim.
-
Yanvarın 7-də prezident İlham Əliyevin yerli telekanallarla mətbuat konfransında Real TV-nin nümayəndəsi belə bir sual verdi: "Trampı bizimlə bir gəmidə görürsünüz..."
-
Çıxışıma təşəkkürlərlə başlamaq istəyirəm. Həyatımın hər mərhələsində yanımda olan ailəmə, yaxın qohumlarıma, dostlarıma təşəkkür edirəm. Şərlənərək həbs edildiyimə görə fiziki olaraq azadlıqdan məhrum edilsəm də, ilk andan bu günə qədər bütün maddi-mənəvi çətinliklərə baxmayaraq, onların yanımda olmasının nə qədər dəyərli olduğunu sözlərlə ifadə etmək mümkün deyil.
Rəy yaz