![CƏMİL HƏSƏNLİ: BU NECƏ HÜQUQİ DÖVLƏTDİR?](https://turan.az/resized/./turan-750-500-resize.webp)
- Söz istəyirəm
- 5 May 2009, 17:29
- 54
CƏMİL HƏSƏNLİ: BU NECƏ HÜQUQİ DÖVLƏTDİR?
"Bu necə hüquqi dövlətdir ki, dövlətə məxsus bir idarənin "qoçu dəstə"si heç bir əsası olmadan elə bu dövlətə məxsus digər qurumun obyektini dağıdır və heç kəs də məsuliyyət daşımır". Deputat Cəmil Həsənli bu sözləri keçən ilin noyabrında otaqları dağıdılan 17 saylı poliklinikanın taleyilə bağlı Turana bildirib.
18 saylı Nərimanov-Nizami seçki dairəsindən deputat seçildiyini deyən Cəmil Həsənli Heydər Əliyev prospektində yerləşən bu poliklinikanın kontingentinin yarısının seçiciləri olduğunu söyləyib. "Bunlar metronun "Ulduz" stansiyasına yaxın yerdə yerləşən Böyük-Şor, indiki İshaqzadə, keçmiş 205-i məhəllədə yaşayanlardır. Həm də bu poliklinikanın kontingentinin böyük bir hissəsi yaşlı nəsildir və vaxtilə fəaliyyət göstərən keçmiş zavod və fabriklərin fəhlələridir", - deyə C.Həsənli qeyd edib.
Deputat keçən il noyabrın 22-dən 23-nə keçən gecə bir qrup adamın poliklinikaya hücum edərək, otaqlarının yarısını uçurduğunu, Bakı şəhər Səhiyyə İdarəsinin bu cinayətlə bağlı Bakı şəhər Nizami rayon polis idarəsinə müraciət etdiyini xatırladıb. O, buna baxmayaraq, bu qrupun poliklinikanın qalan otqalarını da yavaş-yavaş dağıtdığını və artıq poliklinikanın cəmi iki otağa sığındığını söyləyib. "Bununla bağlı cinayət işi başlanıb, amma, görünür, bu "uçurma" əməliyyatının arxasında yuxarı dairələrin adamları dayandığı üçün təhqiqatı da dayandırmağa nail olublar", - deyə deputat məsələyə aydınlıq gətirib.
Onun sözlərinə görə, poliklinikanın binası Keşlə maşınqayırma zavoduna məxsusdur və zavodun Vergilər Nazirliyinə olan borcu üzündən hələ iki il öncə bu bina bazar qiymətindən 50 dəfə ucuz qiymətə hərraca çıxarılıb, amma deputat olaraq özünün, Səhiyyə Nazirliyinin və Bakı şəhər Səhiyyə İdarəsinin işə qarışdığını və hərracın nəticələrini ləğv edərək poliklinikanı saxlamağa nail olduqlarını bildirib.
C.Həsənli 4 aydır ki, Bakı şəhərində 20 min vətəndaşın konstitusiyada təsbit edilmiş tibb hüququnun pozulduğunu, 1000-ə yaxın adamın məsələ ilə bağlı müraciət etdiyini deyib. "Prezident istisna omlaqla, qalan bütün instansiyalar bu məsələdən xəbərdardır, bu məsələni üç dəfə parlamentin iclasına qaldırmışam, həlli üçün uyğun instansiyalara müraciət etmişəm, baş nazirə qədər məsələ qaldırılıb", - deyən deputat tədbir görən olmadığını önə çəkib. "Sanki bu ölkədə hüquq-mühafizə orqanları, daxili işlər nazirliyi və prokurorluq yoxdur", - deyə o, bu fəaliyyətsizliyə təəccübünü ifadə edib
İndi qarşı tərəfin bu məsələdə iştirakını inkar etdiyini deyən C.Həsənli poliklinikanı uçuranların "Azərenerji" səhmdar cəmiyyətinin işçiləri olduğunun hamıya məlum olduğunu söyləyib və bu ərazidə cəmiyyətə inzibati bina və ya ətrafdakı binaları elektriklə təmin etmək üçün ötürücü stansiya tikməyə icazə verdiyini açıqlayıb. "Rəsmi şəklidə bəyan edirəm ki, belə hüquqi dövlət olmaz, kimsə hesab edirsə ki, bu yolla hüquqi dövlət qurur, böyük yanlışlığa yol verir", - deyə deputat bu vandalizm hərəkətinə qiymət verib.
-
- Söz istəyirəm
- 5 May 2009 17:28
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz