AILƏNI BELƏ QƏZƏBLƏNDIRƏN NƏ OLDU?

Novruz bayramı günləri Araz Ağalarovun başına gələn qalmaqalın səs-küyünü bir qədər azaltdı. Lakin, göründüyü kimi, bu səs-küy hələ uzun müddət eşidiləcək və "Krokus Interneyşnl"in rəhbəri bir tək qorxu ilə ötüşə bilməyəcək.
Beləliklə, Emin Ağalarovun atasının Kseniya Sobçakın simasında Rusiyanın GQ jurnalına müsahibəsi Azərbaycan rəhbərliyinin, daha dəqiq isə Eminin həyat yoldaşının qohumlarının qəzəbinə səbəb olub. Müsahibəyə 1news saytında dərc edilmiş kəskin cavab açıq-aşkar hədələmə xarakteri daşıyır. Materialı diqqətlə oxuyanda görünür ki, bu, daha çox hökmə bənzəyir, nəinki, narazılığın ifadəsinə.
Material müəllifi, guya ki, Sobçakı ədəbsizliyinə görə tənqid edir və eyni zamanda Ağalarova məhvedici zərbə vurur. Bu mətndən bir neçə sətir: "Krokus siti"nin sahibi kimin kimi və niyə daha çox sevdiyi barədə uzun-uzadı danışıb"; "özünə hörmət edən heç bir kişi hələ buduarda (qadınların əyin dəyişməsi üçün otaq) müsahibə verməyib"; "vaxtaşırı müvəffəqiyyət qazanan biznesmenə təsir edən nə idi, niyə o uzaqgörən olmadı?"; "Azərbaycan təmsilçisi hamıya ailəsində vəziyyətin necə olduğunu və özünün necə qoçaq olduğunu nəql edib".
Sonra birbaşa "güllələnmə" gəlir: "Cəmiyyətin gözündə özünü təsdiq etmək istəyi hardandır?"; "Yəni, susmağı öyrənmək üçün doyunca çənə döymək lazımdır?"; "Krokus siti"nin sahibi özünü nə hesab edib ki, üçüncü şəxslə adətləri və ailə dəyərlərini müzakirə edir?"; "Biznesmenin dar düşüncəli insanlara xas olan tərsliyi"... və sair və ilaxır və bütün bunlar Azərbaycan prezidentinin ən yaxın qohumu haqda deyilir!
Təəccübdən çaşıb qalmış oxucular (Ağalarovun özünün vəziyyətini təsəvvür etmək olar) artıq bir neçə gündür ki, bir suala cavab axtarırlar - onun nə günahı var ki?!
Yuxarıda adı çəkilən materialın məntiqinə inansaq, "ailə sirlərinin açılması"dır günahı, bu, kimin kimə aşiq olması və kimin kimi seçməsi məsələsinin, ümumiyyətlə, bütün bunların necə və harada baş verdiyinin "düzgün şərh olunmamasında" özünü göstərib. Özünü sərbəst hiss edən Ağalarov oğlunun çoxlarının düşündüyü kimi haqq-hesabla deyil, sevgi ilə evləndiyini etiraf edib. O, oğlunun seçdiyi xanımla qarşılıqlı mühasibətləri haqqında açıq danışıb, qızın da vurulduğunu qeyd edib. O həmçinin gənclərin tanışlığı barədə təfsilatı ilə danışıb, səhvlərə yol verərək bir sıra Ailə sirlərini açıb (Isveçrədə bir neçə günlük istirahət, oğlunun Ailə ilə yanaşı masada əyləşmək istəməməsi və oğluna "yüngül" tövsiyyəsi - "məndən salam de" (!)).
Iş adamı olan Ağalarov, əlbəttə ki, nə dediyini başa düşürdü, amma o, kimin haqqında danışdığını və Moskva mühitinin Bakı adətlərindən kəskin şəkildə fərqləndiyini nəzərə almayıb...
Amma, görünür, Araz Iskəndəroviçin səhvləri Bakıda elə-belə səhv kimi deyil, oyun qaydalarının kobud şəkildə pozulması kimi qəbul edilib ki, onlara görə cəzalandırma nəzərdə tutulur. Məqalədə bununla bağlı deyilir ki, uğurlu biznesmen və ya siyasətçi hələ heç nə demək deyil və "hər sərçə öz budağını tanımalıdır" deyimi misal gətirilir (!), sonra isə daha kəskin ifadə: "Ağalarov hamıdan yaxşı bilir ki, yüksək mövqeyi qazanmaq asandır, amma onu saxlamaq çətindir. Axı həyatda çox şeyə nail olub, elə yuxarılara qalxmaq olar ki, oradan, yaxşısı budur, daha yıxılmayasan"...
Sonra nəsihət və ya "Yasin"ə bənzər ifadə gəlir: ailə müqəddəs bir şeydir, Ağalarov isə həddindən artıq lovğa və boşboğaz olub, oğlunun ailə həyatı haqqında boş-boş danışıb və əxlaqi cəhətdən məsuliyyətsizlik edib ki, bu da şərq kişisinə yaraşmaz. Bax belə!
Bu halda Araz Iskəndəroviçin, əlbəttə ki, halına yanmaq olar. Onun müsahibəsini uğurlu adlandırmaq olmaz, baxmayaraq ki, o, səmimi danışırdı. Düşünmürəm ki, o, belə ağır ittiham və təhqirlərə layiq idi. (Azərbaycanın istənilən KIV-i bu insanın ünvanına belə yazıya görə hələ bir ay əvvəl məhv edilərdi). Amma, görünür, vəziyyət tam dəyişib və əfv gözləməyə dəyməz. Materialın tərzindən başa düşmək olar ki, körpülər yandırılıb. Necə olursa olsun, Emin Ağalarov artıq bir neçə aydır ki, Bakıya gəlmir.
Çox vaxt olduğu kimi, Ağalarovu belə sərt tənqidə məruz qoyan müəllif yalnız uğursuz müsahibəyə diqqət çəkərək, onu ictimaiyyətin müzakirə mövzusuna çevirib. Bəlkə də, sakit "kişi söhbəti" daha təsirli olardı və ümumiyyətlə qalmaqal yaranmazdı.
Amma, müasir Azərbaycanda qəbul olunduğu kimi, siyasətçilərin və ya sahibkarların uğur və perspektivləri barədə onların biznesinin vəziyyətinə görə nəticə çıxarmaq lazımdır. Nyu-york birjasının brokerləri kimi, biz də yaxın vaxtlarda Azərbaycanda Ağalarovun biznesini izləyəcəyik. Işlər qəlizləşməyə, obyektlər bağlanmağa və layihələr dayandırılmağa başlasa, nəticə aydın olacaq. Hələlik isə nələr olduğunu bir tək Yaradan bilir.

Jemin