CƏZASIZLIQ ÖZBAŞINALIQ HISSI FORMALAŞDIRIR

Göygöl rayonu inzibati ərazilərində yerləşən meşələrimizin 5000 hektarından çoxunun təmami ile qırılaraq məhf edilməsinə dair əvvəlki yazılarımızın davamı olaraq bildiririk ki, Göygöl rayon meşə Mühafizəsi və bərpası Müəssisəsini, həmçinin AR Ekologiya və Təbii Sərvətlər nazirliyinin Vəzifəli Şəxslərinin hərəkətlərindən (hərəkətsizliklərindən) məhkəməyə və AR Baş Prokurorluğuna müraciətimizin nəticəsi olaraq sözügedən nazirlikdən iki nəfər (hüquqşunas və meşə təsərrüfatlarının qorunması, inkişaf etdirilməsi və s üzrə baş mütəxəsis) bölgəyə ezam olunmuşlar.
21.02.2010-cu il tarixdə Qeyd olunan mütəxəsislərlə ərazilərə yenidən mənimdə iştirakımla yerində baxış keçirildi (təxminən min ha əraziyə) və müəyyən olundu ki, qırgınlar nəinki dayandırılmış əksinə olaraq bizim bu məsələni ictimailəşdirməyimiz və hüquq mühafizə sistemlərinə müraciətlərimiz meşə qırğınlarını daha da oqressiv şəkildə həyata keçirilməsinə səbəb olmuşdur. Son bir ayda elə bir ağaclar qəddarcasına kəsilmişdir ki, bunu həyacan hissi keçirmədən müşahidə etmək olmur. Bunun bircə adı vardır! Vətənə xəyanət!!!!!!.........................
Yenicə kəsilmiş və öz nəhəngliyi, həmçinin unikallığı ilə ancan ürək ağrısı gətirən kəsimlərin kimlər tərəfindən həyata keçirilməsinə dair suallarımıza, bizimlə birgə monitorinqdə iştirak edən meşə bəyləri, dərsindən iki almış və bunun səbəbini tələbkar valideyninə izah edə bilməyən az yaşlı şagirdlərin düşdüyü vəziyyətə düşmüşdülər. Onlar gah susur, gah kiməsə acıq edir, gah da kəkələyərək uzağı bir ay bundan əvvəl kəsilmiş ağacların lap çoxdan kəsilməsini sübut etməyə çalışırdılar. Bununla kifayətlənməyərək millətimizin ünvanına.................................
Bax bunu müşahidə edərkən 100 faizli qənaətə gəlmək olur ki, şərti olaraq özbaşınalıq adlandıracağımız meşə qırğınları, heç də göründüyü kimi sadə deyildir, bu qırğınların həyata keçirilməsində səlahiyyət sahiblərimizin maraqlarının ifadəsi təmin olunmuşdur.
Maraq doğuran hal isə bundan ibarətdir ki, nəql etdiklərimi bölgəyə ezam olunmuş mütəxəsislər də ürək ağrısı ilə müşahidə etdilər tərəfimizdən qaldırılmış məsələnin həqiqəti əks etdirdiyini etiraf etmək məcburiyyətində qaldılar və qırğınların qarşısının alınmasının obyektiv və subyektiv səbəblərdən bu günkü halda mümkünsüz olmasını qeyd etdilər.
Məsələn: Gəzinti zamanı meşə massivinin məhf edildiyi yerlərindən birində öz təsərrüfatlarının inkişafı naminə məskunlaşmış bir qaçqın ailəsinin üzvü yaşadığı ərazinin yaxınlığında kəsilmiş minlərlə ağaclardan hansısa səbəbdən seçilərək tək qalmış uca qamətli bir ağacı kəsərkən tərəfimizdən yaxalandı. Maraqlıdır ki, bu şəxsin əməlinə görə cəzalandırılması istəyi belə olmasada, nə üçün baltanın onun əlindən alınmasına etiraz əlaməti olaraq onun ailə üzvləri 6 nəfərdən ibarət olan bizlərin üzərinə hücum çəkdilər, üzərimizə əllərinə keçənləri yağdırdılar və elə bir ifadələrlə bizləri təhqir etdilər ki, hətta sıralarımızda olanlardan biri əsəbilik halından anlaqsız bir vəziyyətə düşdü və özünü idarə edə bilməmək həddinə gəlib çatdı.
Sual olunur!
Bu nə deməkdir?
Yəni bu o deməkdir ki, qaçqınlıq həyatı yaşamaq onlara elə bir hüquq verir ki, onlar təbiətimizi viranə qoya bilərlər, üzərimizə hücum çəkərək, şəxsiyyətimizi alçalda bilərlər və bütün bunların qarşılığında cəzasız qalaraq bu kimi insanlığa yad hərəkətlərini davam etdirə bilərlər və s. Bu kimi hallar birinci deyildir.
Rəhmətlik H.Əliyev Cənabları demişdir ki,"Cəzasızlıq özbaşınalıq hissi formalaşdırır" Bizə qalan isə odur ki, bütün özbaşınalıqlar kimin tərəfindən və nəyin xatirinə törədilməsinə baxmayaraq cəmiyyətimizin çirklənməsinə onun nizamının pozulmasına səbəb olur.
Müşahidələrimizdən sonra Hacıkənd qəsəbəsinə düşdük, qəsəbənin xarici görkəmi elə bir halda idi ki, istər-istəməz neqativ hisslərlə yüklənməli olursan və sual edirsən, bu doğrudanmı minlərlə turistlərin gəldikləri, zövq aldıqları məkandır?
Qəsəbədə məskunlaşmış qaçqın ailələrinin bir çoxlarının həyətlərində satılmaq üçün çin-çin odunlar yığılmış, həmçinin meşə massivlərində texnikanın çətin gediş-gəliş yerlərindən kəsilmiş ağacların daşınması üçün hazırlanmış xüsusi texnikalar vardı.
PS.1. Dövlətimiz qaçqın ailələri üçün bir sıra imtiyazlar nəzərdə tutmuşdur, o cümlədən: istilik və digər problemlərinin həlli üçün hər nəfərə pulsuz elektrik enerjisi və qaz normativləri müəyyənləşdiribdir.
Hər nəfər sayı üçün müəyyənləşdirilmiş norma beş nəfər ailə üzvü olan qənaətcil ailənin ay ərzində işlətdiyi enerjinin həcmindən çoxdur. Bizim halda qaçqın ailələri meşə qırğınlarını həyata keçirməklə özlərinin istilik problemlərini həll etmək deyil, himayədarları ilə birgə bu işi biznesə çeviriblər.
PS.2. Xarabalıqları müşahidə etdikcə düşünməli olursan ki, vətən görəsən tək bizim kimi düşünənlərinmi vətənidir?. Eyni zamanda düşünürsən ki, görəsən dünyanın hansısa bir diyarında təbiətə bu səviyyəli qənim kəsilən insanlar varmı. Düşünürsən ki, yaqin bizim xalqımızdan olanların işi deyildir bu işlər.
PS.3. Haqlı olaraq bir sualın sorağında olmaq istərdik. AR Ekologiya və təbii Sərvətlər nazirliyinin, həmçinin Göygöl rayon Meşə Mühafizəsi və Bərpası Müəssisəsinin rəsmiləri etiraf edilrər ki, qırğınların dayandırılması indiki şəraitdə imkan çərçivəsində deyildir.
Mən Sual edirəm bütöv Azərbaycan Cəmiyyətinə!
Nə etməli ki, qırğın dayandırılsın?
Belə ki, Mən vətənimin bu şəkildə xarabalığa çevrilməsinə dözə bilmirəm. Illərdir kömək üçün hayqırıram ki, bu rüsvayçılığın qarşısının alınmasında yardımçı olun. Rəsmi strukturlar eşitməməzlik və görməməzlik ənənəsindən əl çəkmək istəmirlər. Bilavəsitə bu işlərə məsul olan strukturlar etiraf edirlər ki, qırğının dayandırılması mümkünsüzdür.
PS.4. Qaçqınlıq həyatı yaşamaq olar, ac qalmaqda olar, işini itirə də bilərsən, təcavüzə məruz qalmış torpaqların geri qaytarılmasıda mümkündür.
Axı 1000 illərin yadigarı olan qayalar, daşlar üzərində məskunlaşmış və yaşı 100 illərlə ölçülən məhf olunmuş meşələrin hansısa bir qaydada bərpası mümkünsüzdür. Bundan başqa axı Azəırbaycan tək Bakı şəhəri demək deyildir.
PS.5. Yenə də Sual olunur!
Hanı bizim öz birincilikləri ilə öyünən Tele şirkətlərimiz, hanı bizim qəhramanlıq iddiasında olan qəzetçilərimiz. Bizlər belə biganəliyimizlə gələcək nəsillərə nə cavab verəcəyik?
PS.6. Sözükedən nazirliyin Bölgəyə ezam olunmuş mütəxəsisləri ilə gəldiyimiz razılaşmaya görə isə bundan sonra əməkdaşlıq və qarşılıqlı anlaşma şəraitində əhalinin maarifləndirilməsi, məsuliyyət hissinin yüksəldilməsi və s istiqamətdə əməkdaşlıq olunacaqdır.