DAY.AZ - DAYAZ

Day.az bağlandı! Day.az bağlandı? Day.az bağlandı. Day.az bağlandı... Belə xəbər şəhəri dolaşdı, mətbuat yazdı, inernet-saytları bildirdilər. Bağlandı, bağlandı da.
Son vaxtlar bu ölkədə onsuz da bir ucdan bağlayırlar. Radiolar bağlanır, qəzetlər bağlanır, siyasi insanların səsləri "bağlanır", böhran üzündən arıtq mağazalar, dükanlar, super-marketlər bağlanır, camaatın suyu, işığı, qazı bağlanır, hələ açan yoxdur. Bağlayanlar da, bağladılanlar da məlumdur. Hamı nəyin, necə, nə üçün baş verdiyini bilir.
Amma yox, sən demə, bixəbərlər də var... Özü də deputat səviyyəsində. Bu adı çəkilən saytın sahibi Anar Məmmədxanov danışanda əvvləcə elə bildim ki, salıb yenə kvn-şikliyinə gülüş yaratmaq istəyir. Amma bir az da diqqətlə qulaq asdım, gördüm yox e, bakılılar demişkən, alə, bu gülüb-eləmir.
Axırı nə oldu? Axırı o oldu ki, məni ağlamaq tutdu. Amma deputatın və ya Day.az-ın yerinə yox, bağlanan, amma ağlaya bilməyən bütün bağlanılanların yerinə. İnanmadız. Bircə mərsiyəxan çatmırdı ki, oxşama desin. Gözlərimin yaşını silməkdən pencəyimin qolları nə günə düşdüsə, buna ancaq pencəyim şahiddir. İnanmırsınız, o pencək, o siz, o da ekspertiza, aparın, yoxlayın. Amma, Allah xətrinə, pencəyin düymələrini bağlamayın, yoxsa bir dənə də bağlama bu yandan çıxardarsınız. Nəzərə alın ki, sonra pencəyi geyinməyim də var.
Sonra deputatın fantaziyaları işə düşdü. Hər dəfə fantaziya deyəndə, nədənsə, yadıma Tapdıq Fərhadoğlunun Turxan "abi"mizə məhrəmanə, aqilliyə bürünmək istəyən ədayanə, böyük görünmək istəyən böyükanə dediyi zərbə məsələ, nə bilim atalar sözünə dönən "leninin, puşkinin, nə bilim nə qədər ovların dili olan rus dili"ndə səslənən möhtəşəm "Turxan, adam fantazyor olmaz" "krılatı fraza"sı və ya kəlamı yadıma düşür. Mirzə Fətəli Axundov demişkən, meymunu yada salma. Şirvanlılar deməli, adə, adə, adə, mən nədən danışırdım, hara gedib çıxdım.
Hə, onu deyirdim axı... Bu adam deyib ki, Turanı ciddi qəbul etmək istəmir. Bax bu yerdə ağzımı göyə açıb, qarnımı qucaqlayıb, gözümü yumub "alə, kvn-şik, alə, kvn-şik (gülməkdən dayana bilmirəm axı) gör, kim kimə ciddi deyilsən deyir", deyə-deyə gülməkdən nə təhər uğunmuşamsa hansısa mühüm idarədən Mehman bəyə zəng vurub soruşublar: "Mehman bəy, sizdə nə baş verir?". Mehman bəy də telefon qulağında, ətrafına diqqətlə baxaraq, bir qədər də təəccüb içində qazdan, sudan, işıqdan bir "bəla" olmadığı üçün "bizdə heç nə baş vermir, nəsə olub?" deyə soruşur. Hələ mənim bildiyim qədər məsələ ilə QHT-lər, siyasi partiyalar, vətəndaş cəmiyyəti institutlarının nümayəndələri də maraqlanıblar. Mehman bəy nə qədər fikirləşibsə həmin gün ölkədə qazdan, işıqdan, sudan "xoşbəxt olanlar" barədə "svodka" almadığını yada salıb. Axırda bu qənaətə gəlib ki, ya Əlixan Məlikov, ya Etibar Pirverdiyev, ya da Nizaməddin Quliyev vəzifədən istefa verərək, "xoşbəxt olublar", vsyo. Ya da, nədisə, buna bənzər bir şey olub. Öyrənib, öyrənib və sonda həmin suala səbəbin bu gülüş olduğunu bildikdə gülüşə cavab olaraq "Tofik, tı kofe pil?" etirazını ifadə edib. Amma bu etiraz ifadəsini eşidən hüquq müdafiəçiləri mənə zəng ediblər ki, müdir sizi hədələyib, bilirik, müdafiə komitəsi yaradırıq, Arzu xanım, Novella xanım, Leyla xanım, seçim sizlikdir, kimi istəsəniz komitə sədri qoyarıq. Mən də əlim qarnımın üstündə gülməkdən uğuna-uğuna bir cür-bir təhər "məni nöş müdafiə edirsiz, bağlanan mən deyiləm e, dayazdır, day.az-dır nədir, bacarırsınız, onu müdafiə edin" cavabı vermişəm.
Amma bu kofe sözü diqqətimi yaman çəkdi, nəyisə yadıma saldı, nəyi, aha, anladım. Demə, kofe falı yadıma düşüb. Hə, həmin falda nələr görünmədi ki, day.az-ın bağlanması da, sayt yenidən işə düşəndə oradakı diringilər də, bu internat-nəşrdəki yeni simalar da, hamısı bu falda göründü. Dedim ki, alə, bir halda ki, falda görünür, həqiqət olar da, deyim. Dedim, doğru çıxdı və... başladılar doğrunu dediymə görə döyməyə. Görün, baxın, öyrənin, yalana görə adam döyüblər, yox! Amma düzünü deyəndə döyürlər.
Ə, qəribə dünyadır e, düzün deyirsən, deyirlər niyə dedin, demirsən ürəyin partlayır, dediyin düzü yalana çıxarmaq istəyirlər. Nə bilim, pencək belə, dayaz elə, day.az belə, deputat elə, işlər belə, hamı çölə, girdi gölə, alə siz də, mən də gülə-gülə, özünüz bilərsiniz...
Avamlıq yaxşı şeydir, day bu qədər yox də..., ağ elədin a, qədeş. Anar Məmmədxanlı kimi "ciddi" adamla belə "ciddi" söhbət etməyin alayı cür aləmi var ha...