Demokratik Qüvvələrin Milli Şurasının sədrinə

Demokratik Qüvvələrin Milli Şurasının sədri

Cəmil Həsənliyə, Koordinasiya Şurasının yeni heyətinə

Koordinasiya Şurasının yeni seçilmiş üzvlərini təbrik edirəm.

Müntəzəm fikir mübadiləsi hətta hakimiyyətin belə amansız təzyiqi şəraitində sessiyanın uğurlu yekunlarına şübhə qoymayıb. Sessiyada müzakirə olunan məsələlər ölkəmizin bugünki həyatının onun hüdudlarından çox uzaqlarda belə görünən əsas problemlərinə toxunub.

Azərbaycanda ictimai-siyasi vəziyyətin və ilk növbədə siyasi məhbusların taleyinin bu gün bütün dünya ictimaiyyətini narahat etdiyini desək, şişirtmə olmaz. Dünyanın bir çox ölkələrindən israrla məhbusların azad edilməsinə çağırışlar səslənir. Təəssüf ki, Azərbaycan hakimiyyəti bunu ölkənin daxili işlərinə müdaxilə kimi qəbul edir. Amma hətta dünyanın ictimai rəyinə məhəl qoyulmasa belə, başa düşmək lazımdır ki, iyirmi ildən çoxdur yaşadığımız mürəkkəb geosiyasi vəziyyət və irəliləməkdə olan maliyyə-iqtisadi böhran təhlükəsi cəmiyyətin bütün dairələrini birləşdirən vətəndaş razılığına nail olmaq üçün ölkədə olan bütün mənəvi, siyasi və maddi resursların səfərbər edilməsini tələb edir. Amma bu razılıq yalnız hakimiyyət və real müxalifət arasında açıq dialoq başlayacağı halda mümkündür. Azərbaycan ziyalıları bir neçə il əvvəl öz Forumlarını təşkil edərək, belə bir dialoqun təşəbbüskarı olmağa çalışdı. Həmin vaxt hakimiyyət bu təşəbbüsə forumun qurucuları ilə amansız divanla cavab verdi. Amma bu gün yenə də xoş məram nümayiş etdirilərsə və rejim dialoqa gedərsə, bu, bütün siyasi məhbusların azad edilməsindən başlamalıdır. Bu, ölkə rəhbərliyinin niyyətlərinin səmimi olduğunun təsdiqi olacaq.

Təəssüf ki, mövcud reallıq hadisələrin belə dönüşünə inanmaq üçün çox az əsas verir. Amma çox kiçik ehtimal olsa belə, ölkə ziyalıları (sosial cəhətdən passiv hissəsini nəzərdə tuturam) vətəndaş mövqeyini, heç olmasa öz övladları və nəvələri üçün fəallaşdırmalıdır.

Hörmətli Cəmil, Milli Şuranın mövcudluğunun və fəaliyyətinin əhəmiyyəti vaxt keçdikcə çoxalır – mürəkkəb tarixi dövrlərdə hər bir xalqın birləşdirici nüvəsi olmalıdır, onun təyinatı hakimiyyət uğrunda deyil, özünə deyil, xalqın maraqlarına xidmət etməli olduğunu unudursa, hakimiyyətə qarşı mübarizə aparmaq olmalıdır.

Ölkəmizin siyasi həyatının təcrübəsi onu göstərir ki, onun əsas problemi demokratik qüvvələrin birləşməsinin çətinliyi olub və olmaqdadır. Milli Şura yarandığı gündən etibarən cəmiyyətin ən geniş dairələrinin Azərbaycanda konstitusiya idarəetmə normalarının hökm sürməsinə nail olmağa can atması ilə məşhur olan nümayəndələrini öz cərgələrində birləşdirməyə çalışır. Koordinasiya Şurasının yeni seçilmiş heyəti, zənnimcə, bu prinsiplərə uyğundur.

Yarandığı gündən bu günə qədər bir sıra partiya və hərəkatların nümayəndələri Milli Şuradan çıxıblar, amma ötən sessiyanın yekunları mövqelərimizin, təşkilati qurumun sabitliyini və ölkənin demokratik qüvvələrinin sənin şəxsində layiqli lider qazandıqları faktını təsdiq edib.

Bir daha hamımızı təbrik edirəm,

25. 01. 2015

Rüstəm İbrahimbəyov