![REFERENDUM «AZAD» VƏ «ŞƏFFAF» KEÇIRILIB�](https://turan.az/resized/./turan-750-500-resize.webp)
- Söz istəyirəm
- 5 Aprel 2009, 17:25
- 61
REFERENDUM «AZAD» VƏ «ŞƏFFAF» KEÇIRILIB�
Başa düşmürəm, nə olub bu müxalifətə, yenə gileylənir?! Yenə başlayıblar, səsvermə azad olmadı-filan...
Martın 18-də hamımızın gözü qabağında "dünyada analoqu olmayan" "azad" və "şəffaf" referendum keçirildi. Müxalifət isə, yenə naşükürlüyünə salıb, etirazını bildirir.
Hörmətli müxalif qardaşlar, deyirsiniz ki, səsvermə azad olmayıb.
Niyə azad olmadı? Bəs o məntəqə seçki komissiyalarının üzvləri azad olmasalar, paçka-paçka bülletenləri necə ata bilərdilər qutulara? Səsvermə azad olmasaydı, Qəbələdən, Qubadan gəlib Bakının müxtəlif nöqtələrində necə səs verərdi bu camaat? Bəs o "karusel" sərnişinlərinə o qədər azadlıq verilməsəydi, necə başqalarının da yerinə səs verərdilər? Özünüz deyirsiniz axı, belə faktlar qeydə almısınız. Müəssisə rəhbərləri, məktəb direktorları azad deyildilərmi ki, işçilərinə necə səs vermək barədə göstəriş versinlər? O bədbəxtlər də, "ağa deyir, sür dərəyə, sür dərəyə!", deyib "sürüblər dərəyə". Azad olmasalar "dərəyə" gedən yolu kəsən tapılmazdı? Məgər tam "azadlığın" və "sərbəstliyin" göstəricisi deyil bunlar?! Deməli, səsvermə günü "insanların" özlərini tam sərbəst hiss etmələri üçün hər cür şərait yaradılıb...
Hələ şəffaflıqdan danışmıram! Referendum bu qədər şəffaf keçirilməsəydi, necə qeydə alardınız sonsuz sayda qanun pozuntularını? Öz gözlərinizlə görmüsünüz ki hər şeyi. Şəffaf olmasaydı necə görəcəkdiniz eyni adamların dəfələrlə səs verdiyini? Bəzi seçicilərə 3-4 bülletenin birdən verildiyini necə sezərdiniz? Səs verməyə yaşı çatmayan məktəblilərə bülleten paylandığını qeyri-şəffaf şəraitdə necə görərdiniz? Hətta "karusel" üçün istifadə olunan avtobusların nömrələrini də görmüsünüz! Bundan artıq şəffaflıq? Yaxşısı budur, siz bu hakimiyyətə şər-böhtan atmaqdan əl çəkin!
Müşahidəçi
-
- Söz istəyirəm
- 5 Aprel 2009 17:20
-
- Söz istəyirəm
- 5 Aprel 2009 17:27
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz