SEKS LİDERİ VƏ YA MƏHƏRRƏMLİ HARA YOXA ÇIXIB?

Özünəməxsus təbəssümü olan Nuşirəvan Məhərrəmli gözlənilmədən yoxa çıxıb. Hər halda onun oktyabrın 25-dən - jurnalistlərin həmin gün axşam Lider telekanalında nümayiş etdirilən pornoqrafik çarx ilə bağlı fikirlərini öyrənmək istədiyi vaxtdan bəri hara yoxa çıxdığını bilən yoxdur.
Çarxı görmədiyini söyləyən Məhərrəmli ona baxdıqdan sonra fikirlərini bildirəcəyini deyib və yoxa çıxıb..
Şəxsən mən hesab etmirəm ki, Məhərrəmli tamaşaçıların qarşısına çıxaraq telekanalın nəinki jurnalist etikasını, həm də qanunvericiliyi pozduğunu bildirməkdən çəkinir. Lakin bu yaxınlarda Nuşirəvan Məhərrəmli hansısa telekanalın açıq səhnələri olan bədii film göstərməsinə qəzəblənərək onu cəzalandırmaqla hədələmişdi. Bu zaman MTRŞ rəhbəri jurnalist etikasına, milli mentalitetə, qanunvericilik normalarına əsaslanmışdı.
Bəs, indi nə oldu? Niyə o susur.. Sualın cavabı olduqca sadədir və onu sağlam düşüncəli hər kəs bilir. Lider-in reportajı yuxarıların sifarişi ilə hazırlanıb. Hələ etik normaları və hakimiyyətin tez-tez xatırlatdığı mentaliteti kənara qoysaq, əslində bu cür material qanunvericiliyin bütün mümkün müddəalarının pozulması deməkdir.İlk növbədə belə material Azərbaycanda şəxsi həyat hüququnun və mənzil toxunulmazlığı hüququnun olmamasından xəbər verir. Əslində bu o deməkdir ki, hakimiyyətin hər bir opponenti xüsusi xidmətin sayıq nəzarəti altındadır, onun şəxsi həyatı isə şantaj predmetidir.
Qeyd edək ki, "jurnalistin" çarxla bağlı şərhləri müxalifət liderlərinin ünvan&#

305;na tənqidlə müşayiət olunub. Belə ki, sekslə məşğul olan adamın adı çəkilib və bildirilib ki, baş verənlər müxalifətin yaramazlığını, ləyaqətsizliyini göstərir (?). Lakin deyilənlərdən reportaj müəllifinin nəyi nəzərdə tutduğu məlum olmur - Azərbaycanda seks yoxdur, yoxsa əsl azərbaycanlı sekslə məşğul olmur (görünür, hakimiyyət nümayəndələri elə belə də yaşayırlar, təkhüceyrəli orqanizmlər kimi bölünmə yolu ilə çoxalmaqla) Zənnimcə, bütün bu iyrəncliklərin məhz indi - parlament seçkiləri ərəfəsində ortaya çıxması təsadüfü deyil. Qeyd edək ki, bu "əsərin" müəllifi mənəvi dəyərlərdən, ailənin müqəddəsliyindən deyil, müxalifətin pozğunluğundan danışır. Belə çıxır ki, onu ən çox narahat edən evli adamın kənarda eşq macərası yaşaması yox, müxalifətin sekslə məşğul olmasıdır. Telekanalın gizli çəkilişdən istifadə etməsi də indiki halda hüquqi özbaşınalıqdır. Normal ölkədə özünə hörmət edən heç bir telekanal buna getməz. O buna görə ya bağlanacaq, ya məhkəmənin, ya da digər nəzarət qurumunun qərarı ilə ciddi cəzalandırılacaq (bu yaxınlarda CNN kanalında baş vermiş hadisəni yada salmaq kifayətdir. Belə ki, baş redaktor siyasi nəzakət qaydalarının pozulmasına görə istefa verib).
Bundan əlavə, bu il hakimiyyət qanunvericiliyə hətta ictimai yerdə vətəndaşın icazəsi olmadan ona dair çəkiliş aparılmasını qadağan edən düzəliş edib. İndiki halda isə vətəndaşın yatağına girərək onu videoya çəkirlər, televiziya ilə göstərirlər, üstəlik başqalarını da hədələyirlər.. Budurmu, sizin hüquqi dövlətiniz və milli mentalitetiniz?

Şahin Hacıyev