Seçkilərin başa çatmasına təxminən 3 gün qaldı. Bəlkə də çoxları bu günü gözləyir. Amma ötən həftələrdən ta bu günə kimi namizədlərin virtual səsverməsi keçirilməkdədir. Sosial şəbəkələrdə dostlar, tanışlar bir-birilərinə "salam, zəhmət olmasa filan sayta daxil olub, filan dairədən filan namizədə səs verməyinizi xahiş edirəm" yazıları, demək olar ki, dayanmaq bilmir. Çox təəssüfləndiricidir ki, virtual səsvermələrin heç biri dəqiq işləmir. Bir İP (ay pi)-dən hər bir dairənin nazmizədinə bir neçə dəfə səs vermək mümkündür. Hər dəfə maraqlı gəlirdi mənə görəsən virtual aləmdə də saxtakarlıq ola bilər? Amma gördüm ki, oldu. Bu da nə qədər saxta olmağın göstəricisidir. Virtual aləmdə saxtakarlıq olduğu təqdirdə, nəyə görə real aləmdə olmasın? Hansı saytın daha dəqiq işlədiyini heç kim bilmir. Amma biz, yenə də içimizdə qurdumuzu öldürüb istədiyimiz namizədi virtual aləmdə birinci edirik. Real olmasa da heç olmasa öz namizədimizi birinci olduğunu görə bilək. Ümidimizi öldürməyək. Son ölən ümiddir. Bilmək olmaz, bəlkə belə oldu...
p.s dünən İTV-də Erkin Qədirlinin çıxışı oldu. Sosial şəbəkələrdə Erkinin çıxışı müzakirə olunurdu. Sözün açığı, inanılmaz bir müzakirə idi. `Səsinizi verməyə hazırlaşdığınız namizədi öz şəxsiyyətinizə yaraşdırırsınızmı? Səs verməyə gələndə bu haqda düşünün...`
Əziz KA
Söz istəyirəm
-
Turanın məktəbindən keçən
-
Bütün agentliklərin, idarə və müəssisələrin adlarını dırnaq içində yazdığım halda, bir tək Turan-ı heç vaxt dırnaqda yazmadım. Yazılarda Turan-ı dırnaq içində gördüyümdə dırnaqdan çıxardım.
-
“Turan”-dan işdən çıxanda bu şəkli oğurladım… İşdən çıxdım, amma “Turan”ı qəlbimdən çıxara bilmədim. Bunu çoxu anlamaz, bəziləri anlayar ancaq. “Turan” mənim üçün özün olmaq demək idi.. “Turan” mənim üçün təmiz, vicdanlı və çox maraqlı insanlar deməkdir. Məktəbdir, yuvadır, ailədir mənim üçün “Turan”. Tək sarsılmaz qaya kimi dayandın, qorxmadın, əyilmədin və indi ən düzgün tarix kimi qalacaqsan. Hər ana, hər dəqiqəyə görə minnətdaram sənə. Sevinci ilə, kədəri ilə hər zaman ürəyimdəsən. Şeflərim isə elə şef kimi qalacaqlar) Sizi sevirəm və bu sevgi tükənməzdir.
-
Turan İA-nin öz fəaliyyətini dayandırması haqqında məlumat son dərəcə üzücüdür. Müstəqil, doğru, tərəfsiz xəbərin, təhlilin, mövqeyin ünvanı olan Turan 35 ildir fəaliyyət göstərib. Qanlı-qadalı 1990-cı ildə fəaliyyətə başlayan bu media qurumu XXI əsrin 3-cü onilliyində - yəni 2025-ci ilin fevral ayında maliyyə çətinliyindən öz fəaliyyətini dayandırır.
Rəy yaz