Bakı/27.11.18/Turan: Jurnalist Əfqan Sadıqov Səbail Rayon Məhkəməsinin qərarı ilə inzibati qaydada 30 günlük həbs edilib. O, İnzibati Xətalar Məcəlləsinin 535.1-ci (polisə tabe olmama) maddəsi ilə təqsirli bilinib.
Bu barədə jurnalistin həyat yoldaşı Sevinc Sadıqova vəkil Cavad Cavadova istinadla bildirib.
O qeyd edib ki, həyat yoldaşı qanun pozuntusuna yol verməyi, yalnız şəhid ailələrinin Prezident Administrasiyası qarşısındakı etiraz aksiyasını müşahidə edib.
Həbs qərarından şikayət veriləcək. -0-
* * *
2018 Noyabr 27 (Çərşənbə axşamı) 18:30:57
Jurnalist Əfqan Sadıqlı saxlanılıb
Bakı/27.1.18/Turan: Azel.TV online resursun baş redaktoru Əfqan Sadıqlı bu gün Prezident Administrasiyasının binası yanında saxlanılır. Bu barədə onun xanımı Sevinc Sadıqova bildirib.
Onun gözlərinin qarşısında mülki şəxslər jurnalisti saxlayıblar və heç bir açıqlama vermədən maşına oturdaraq naməlum istiqamətə aparıblar.
Sonradan məlum olub ki, Əfqanı Səbayel rayonu 9-cu polis bölməsinə aparıblar. S.Sadıqova oraya getdiyində ona deyiblər ki, Əfqanı Rayon Polis İdarəsinə aparıblar. Lakin Rayon Polis İdarəsində Əfqanın orada olmadığını deyiblər.
Qeyd edək ki, bundan 2 saat öncə Ə.Sadıqlı Facebook-da şəhid ailələri üzvlərinin Prezident Administrasiyasının qarşısındakı aksiyasından birbaşa reportaj aparıb.
Bu ilin yayında Ə.Sadıqlı 30 sutkalığa inzibati həbsə məruz qalmışdı.
Bu ilin mayında xuliqanlıq ittihamı ilə bir il yarımlıq həbs cəzasından sonra azad edilib.
Jurnalist ittihamları rədd edərək bildirib ki, onu Cəlilabad rayonunun keçmiş rəhbərliyini tənqid etdiyinə görə həbs ediblər.-16D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz