Media-icmal 14.11.20

“Azərbaycan” qəzeti “Koronavirus bütün ölkələrdə tüğyan edir” sərlövhəli məqalədə COVİD-19 pandemiyası ilə bağlı durumu dəyərləndirir.

Hər gün dünyanın müxtəlif ölkələrindən açıqlanan məlumatlar göstərir ki, koronavirus hər yerdə sürətlə yayılmaqda davam edir. Aparılan mübarizə tədbirləri isə hələ də vəziyyəti yaxşılığa doğru dəyişə bilmir. Əksinə, ötən hər gün virusa yoluxma sayında yeni rekord müəyyən edilir.

Müəllif deyir ki, dünyada ümumi yoluxma sayı 52,957,693 olub. Ölüm halı 1,296,623-ə çatıb. Sağalanların sayı isə 36.914.613 təşkil edib.

Müəlif təəssüflə bildirir ki, son dövrlər Azərbaycanda da koronavirusa yoluxma sayı artıb.

Müəllif Nazirlər Kabineti yanında Operativ Qərargaha istinadən bildirir ki,  koronavirus infeksiyasına 1622 yeni yoluxma faktı qeydə alınıb, 979 nəfər müalicə olunaraq sağalıb və evə buraxılıb. 20 nəfər COVID-19-dan vəfat edib.

Yazıda deyilir ki, buna cavab olaraq Bakıda dezinfeksiyanın intensivliyi artırılıb.

Müəllifə görə, COVID-19 adlı bəlanı dəf etmək üçün vətəndaş məsuliyyəti də olduqca zəruridir, əgər insanlar gigiyenik qaydalara əməl etməzlərsə, sosial məsafə saxlamazlarsa, maska taxmazlarsa koronovirus zəncirini qırmaq mümkün olmayacaq.

Yazı müəllifi bidirir ki, havalar getdikcə soyuyur, dünya mütəxəssisləri isə yoluxmanın yüksəlməsinə payız-qış mövsümünün şərait yaratdığını diqqətə çatdırırlar, daha diqqətli olmağı tövsiyə edirlər.

Müəllifə görə, hər kəs özünü qorumalı, maskadan istifadə etməli, əl gigiyenasına diqqət yetirməlidir, qapalı məkanlarda bir yerə toplaşmaqdan çəkinmək, məsafə saxlamaq vacibdir

“Müsavt.com” saytı “Üç rayonu vaxtında boşladın, yoxsa daha ağır bədəli olacaq-Bakıdan sərt xəbərdarlıq” sərlövhəli məqalədə məğlubiyyətdən sonra Ermənistandakı ictimai-siyasi durum dəyərləndirilir.

Müəllif vurğulayır ki,  Ermənistanın siyasi qüvvələri və cəmiyyəti noyabrn 10-da imzalanmış məğlubiyyət bəyanatına cavab olaraq müharibəni davam etdirmək kimi mövqe səsləndirirlər.

Amma müəllif də buna cavab olaraq deyir ki, Ermənistann hansı canlı qüvvə  və texniki təchizat ilə müharibəni davam etdirmək istəyi hələ məlum deyil.

“Yenə boş yerə qırılmaq, ölmək, nəhayət, Ermənistan adlı saxta dövlətin tam və sürətli çöküşünü istəyirsinizmi? Olsun. Bu dəfə sizə Moskva da kömək etməyəcək - hansı ki, son anda yenə axırınıza çıxmağa qoymadı…”, deyə müəlliflər ehtimal olunan müharibənin sonunu erməni tərəfə xatırladırlar. 

Müəlliflər erməni tərəfə qonşu dövlətlərə ərazi iddialaına, mif olan  “Böyük Ermənistan” xülyasına birdəfəlik son verməyi yəklif edirlər.

Son olaraq müəllifə görə, bir məsələ dəqiqdir ki, haqq etdiyi təslimiyyəti həzm etmək istəməyən, ondan yanlış nəticə çıxaran erməni cəmiyyəti, bu cəmiyyətin ardınca getdiyi avantürist rəhbərlər daha ağır bədəl ödəyəcəklər...

“Yenisabah.az” saytı “Ermənistanın kasıb olması onu məsuliyyətdən azad etmir” – ekspert” sərlövhəli məqalədə müəllif Azərbaycana vurduğu ziyana görə Ermənistanın maddi təzminat ödəməsi məsələsini deputat Vüqar Bayramovla gündəmin müzakirəsinə daşıyır.  

Deputat deyir ki, Ermənistan 30 il işğal altında saxladığı Azərbaycan ərazilərinə vurduğu ziyana görə beynəlxalq məhkəmə yolu ilə kompensasiya ödəməlidir. Deputata görə, dünya təcrübəsində oxşar nümunələr vardır.

V.Bayramov vurğulayır ki, 30 ilə yaxın işğal dövründə qalan ərazilərdə  infrastruktur, evlər, inzibati və sosial binalar Ermənistan tərəfindən tamamilə dağıdılıb və meşələr məhv edilib

Deputat yada salır ki, dəymiş ziyanla bağlı fərqli rəqəmlər olsa belə, bu, milyard dollarlar ilə ölçülür…Körfəz Müharibəsindən sonra İraq Küveytə 48.7 milyard dollarının ödənilməsinə artıq nail olunub.

V.Bayaramova görə, dəymiş ziyanın məbləği hesablanandan sonra Azərbaycan da beynəlxlaq məhkəməyə müraciət edərək kompensasiyanın ödənilməsini tələb etmək hüququna malikdir.

 Bu baxımdan, Ermənistanın kasıb olması onu işğal nəticəsində vurduğu ziyana görə kompensasiya ödəmək məsuliyyətindən azad etmir.

“Azpolitika.info”  saytı “Rusiyanın sülhü və məramı -Ordumuz Qarabağa sahib çıxdı, növbə dövlətin və cəmiyyətindir...” sərlövhəli məqalədə Qarabağ bölgəsinə Rusiya sülhmərmalı qüvvələrinin daxil olması ilə bağlı prosesini dəyərləndirir. 

Müəllif qazanılan qələbəni yüksək dəyərləndirsə də sonda əldə edilən razılşama ilə bağlı bu qələbənin Azərbaycana dövlətinin, xalqının, maraqlarına uyğun tamamlanması üçün hələ çox iş görülməsinin vacibliyini də gözardı etmir.

Müəllif deyir ki, Azərbaycanı qane etməyən əsas məqam Rusiyanın prosesə müdaxiləsi və sülhmrmalı adı ilə Azəbaycana qayıtmasıdır.

Müəllif deyir ki, Azərbaycan tarixində Rusiya ordusunun Azərbaycana daxil olmasının qoyduğu ağır izlər olub və bu, heç kimə sir deyil. 

“Rusiyanın timsalında bu sülhmərmalı missiyanın Azərbaycan üçün uzunmüddətli baş ağrısı olacağını deyənlərlə razılaşmamaq olmur”, -müəllif  tarixi istinadlar göstərir.

Amma müəllif əlavə edir ki, əvvəla Rusiya sülhmərmalı missiyası bölgədə istədikləri kimi hərəkət edə bilməyəcəklər, çünki Türkiyə hərbi kontingenti də Qarabağda olacaq, həm də Türkiyə Azərbaycana çoxşaxəli dəstəyini davam etdirəcək.  

Müəllifə görə, daha vacib bir məsələ Qərb-Rusiya qarşıdurmasının bərpa olunacağı daha yüksəkdir,

Müəllifə görə, Rusiyanın dünyada müdaxilə edəcəyi münaqişə zonaları çoxdur, odur ki, Azərbaycana üçün əlverişli beynəlxalq mühitin yaranacağı ehtimalı heç də az deyil və həmin anı gözləmək lazımdır. 

Yazıda vurğulanır ki, erməniləri Qarabağa qaytarmaq çağırışı olsa da onlar geri qayıtmaq istəmir, Rusiya və Avropaya üz tuturlar, çünki müflis gündə olan Ermənistan ora qayıda biləcək erməniləri təmin etmək üçün vəsaitə malik deyil.

Müəllifə görə, ordu müharibə apraraq torpağa sahib çıxdığını ortaya qoydu, indi xalq, cəmiyyət, dövlət olaraq torpağa sahib çıxmaq vaxtıdır. Bölgə inkişaf etdirilməlidir, çünki Ermənistan gedib, “böyüyü” gəlib.