Media icmalı- 15.08.2023

Ölkədə fındıq ixracının artması, Azərbaycanın Rusiyaya ixracı ,Milli Məclisin Qarabağdakı vəziyyətlə bağlı müraciəti, Xarici şirkətlər Qarabağda “yaşıl enerji”yə investisiya yatırmaq fikri bu gün (15.08.2023) üçün gündəm mövzulardan olub.

Anews.az saytında yayımlanan “İlin birinci yarısında Azərbaycandan soyulmuş fındıq ixracı təxminən 20% artıb” sərlövhəli yazıda fındıq ixracının artması haqqında məlumat verilib. Müəllif qeyd edir ki, Azərbaycan 2023-cü ilin birinci yarısında 11 489,2 ton fındıq ixrac edib bu da 2022-ci ilin ilk altı ayı ilə müqayisədə 18,9% çoxdur.

“Azərbaycan Rusiyaya ixracı 1,5 dəfə artırıb” sərlövhəli yazıda Azərbaycanın Rusiyaya etdiyi ixrac haqqında qeyd olunub. Müəllif qeyd edir ki, 2023-cü ilin yanvar-iyulunda  Azərbaycan və Rusiya arasında ticarət dövriyyəsi 2 milyard 445 milyon 329,06 min ABŞ dolları təşkil edib ki, bu da bir il əvvəlki göstəricidən 30,6% çoxdur . Yazıda Rusiya ilə Azərbaycan arasında olan idxal və ixrac göstəriciləri qeyd olunub. Əlavə olaraq müəllif digər illərlə də müqaisə edib

“2022-ci ilin sonuna Azərbaycan-Rusiya ticarət dövriyyəsi 3 milyard 710 milyon 239,41 min dollar (2021-ci ilin göstəricisindən +23,9%) təşkil edib”.

Trend.az saytında yayımlanan “Milli Məclis Qarabağdakı vəziyyətlə bağlı xarici ölkələrin parlamentlərinə müraciət ünvanlayıb” sərlövhəli yazıda Qarabağdakı vəziyyətlə bağlı xarici ölkələrin parlamentlərinə müraciəti haqqında yazılıb. Müəllif qeyd edir ki, Müraciətdə Azərbaycanın beynəlxalq humanitar hüquqa və insan hüquqları üzrə normalara sadiq olduğu bir daha vurğulanır, Ermənistanın “blokada” və ya “humanitar böhranlar”la bağlı səsləndirdiyi əsassız iddialar qəti şəkildə rədd edilir, bunun Ermənistanın Azərbaycana qarşı apardığı geniş təbliğat kampaniyasının bariz təzahürü olduğu diqqətə çatdırılıb. Müəllifin sözlərinə görə müraciətdə bu günə qədər Laçın yolundan istifadə ilə bağlı baş verənlər vurğulanıb. Ermənistanın göstərdiyi qeyri-konstruktiv davranışlarda vurğulanıb.

“Müraciətin sonunda azərbaycanlı parlamentarilər tərəfindən xarici həmkarlarının qərəzsiz və ədalətli mövqe nümayiş etdirəcəklərinə, Ermənistanın təbliğatını rədd edəcəklərinə, obyektivliyə, həqiqətə, beynəlxalq hüquqa söykənən davranış sərgiləyəcəklərinə ümid ifadə olunur”.

525-ci qəzet saytında yayımlanan “Xarici şirkətlər Qarabağda “yaşıl enerji”yə investisiya yatırmaqda maraqlıdırlar” sərlövhəli yazıda BƏƏ, Səudiyyə Ərəbistanı Krallığı, Çin şirkətlərinin planladığı ivestisiyalar haqqında yazılıb. Müəllifin sözlərinə görə bu haqda xarici şirkətlərin nümayəndələrinin Laçın rayonuna səfəri zamanı deyilib. Orada tərəflər bunun üçün növbəti görüşlər keçirmək qərarına gəliblər. Müəllif qeyd edir ki, görüşdə Laçın rayonunda “Azərbaycan Respublikasının işğaldan azad edilmiş ərazilərində 2022-2026-cı illərdə “yaşıl enerji” zonasının yaradılması üzrə Tədbirlər Planı”na uyğun olaraq həyata keçirilən layihələr, rayonun Minkənd ərazisində külək elektrik stansiyasının tikintisi üçün nəzərdə tutulan ərazilər barədə fikir mübadiləsi aparılıb.

“Səfər zamanı nümayəndə heyəti Zəngilan rayonunda "ağıllı kənd” konsepsiyası əsasında salınmış Ağalı kəndində də olublar”.

Sosial media

Azadlıqradiosu

Qarabağa qayıdış, yoxsa Prezidentin ailə biznesinin böyüməsi: Kəlbəcərdə ermənilərin dağıtmadığı evi kimlər söküb? – Bu haqda Kəlbəcər rayonundan məcburi köçkün olan Çıraq Hüseynovla danışılıb. Çıraq Hüseynovun sözlərinə görə onun evindən Ermənilər yaşayış məskəni kimi istifadə ediblər. Amma 2020-ci ildə işğaldan azad olunarkən onun evinin söküldüyü qeyd olunub. Yenidən şəhər qurularkən onlarla məsləhətləşməli olduğunu qeyd edib.

“Wolt Azərbaycan” MMC-nin fəaliyyəti dayandırılır?- Yazıda vqustun 14-də Azərbaycan Qida Təhlükəsizliyi Agentliyi (AQTA)nın yaydığı məlumata əsasən şirkətin xidməti ilə bağlı nöqsanlar aşkar edilib. "...Sözügedən müəssisə tərəfindən qida məhsullarının çatdırılması fəaliyyətinin dayandırılması, ilkin və dövri tibbi müayinədən keçməyən şəxslərin müəssisədən kənarlaşdırılması ilə bağlı məhdudlaşdırıcı tədbirlərin tətbiqi barədə qərar qəbul edilib."

Açıqlamaya görə, sonra isə qəbul edilmiş qərarın icra vəziyyətinin yoxlanılması ilə əlaqədar MMC-də plandankənar yoxlama keçirilib:

"...Nöqsanların aradan qaldırılmadığı...müəyyən olunub. Bununla əlaqədar həmin müəssisənin fəaliyyətinin dayandırılması ilə bağlı məhdudlaşdırıcı qərarın təkrar tətbiqi barədə qərar qəbul edilib."