Bakı/21.10.19/Turan: Oktyabrın 19-20-də paytaxtın mərkəzində müxtəlif KİV-lərin hadisələri işıqlandıran 10-dan çox nümayəndəsi polis təzyiqinə məruz qalıb.
Belə ki, ayın 19-da keçirilən mitinqi işıqlandırarkən bir neçə KİV-in müxalifət lideri Əli Kərimlinin döyülməsini çəkən müxbirləri fiziki zorakılığa, təhqirə və mənəvi təzyiqə məruz qalıb.
Məşhur bloger, keçmiş siyasi məhbus Mehman Hüseynov saxlanılıb.
Oktyabrın 20-də "Azadlıq" radiosunun, "Meydan TV"-nin, Turan agentliyinin müxbirləri - Sevinc Vaqifqızı, Ramin Deko, Əziz Kərimov, Səlimə Cəlilova, Pərvanə Bayramova və bir neçə digər jurnalist fiziki zorakılığa məruz qalıb. Polis onları itələyib və təpikləyib, kameralarını əllərindən alıb, badalaq vurub, kameralarını qırıb. Bütün bunlar söyüş və təhqirlərlə müşaiyət olunub.
Polis mətbuata təzyiqlə kifayətlənməyib və adi vətəndaşların əllərindən telefonlarını alaraq, çəkiliş aparmamağı və çəkdikləri kadrları silməyi tələb edib.
İş o yerə çatıb ki, küçədə dayanan polislər balkonlarından küçələrdə baş verənləri çəkənlərə qışqırıb və söyüb.
Bütün bunlardan əlavə, Bakının bütün mərkəzində internet kəsilib və mobil rabitə pozulub. Bu, hadisə yerindən canlı yayım imkanını istisna etmək və müxbirlərin çəkdikləri materialları redaksiyalarına ötürməsinə imkan verməmək məqsədilə edilib.
Media hüquqları sahəsində ekspert Ələsgər Məmmədli bu hadisələri şərh edərkən onları "gizli föqəladə halın tətbiq edilməsi" kimi səciyyələndirib.
Polis Bakının mərkəzində bir çox küçələri bağlayaraq, vətəndaşların yerdəyişmə azadlığını ciddi şəkildə məhdudlaşdırıb. İnternet-provayderlər və mobil operatorlar bir neçə saatlıq işi dayandırıb, vətəndaşlara və özəl biznesə ziyan vurub. Bu, ciddi hüquq pozuntusudur və hər bir zərərçəkmiş şəxs bu əməllərdən məhkəmələrə şikayət verə bilər, deyə Məmmədli Facebook səhifəsində yazıb.
"Sərbəst toplaşmaq hüququna icazə verməyən İcra hakimiyyəti ciddi məsuliyyət daşıyır. Heç bir zorakılıq olmayan dinc aksiyaya toplaşmaq istəyən şəxslərə qarşı çox aqresiv davranan polisin davranışı adekvat deyildi və ciddi müzakirə mövzusudur. Polislərin siyasətçilərə, xüsusilə AXCP sədri Əli Kərimliyə qarşı zorakı davranışı çox ikrahyaradıcıdır və ictimai nifrəti kökləməyə yönəlib.
Xüsusilə, hadisəni işıqlandırmaq istəyən onlarla jurnalistin əynində xüsusi fərqləndirici forma olmasına baxmayaraq, vəsiqələrini təqdim etmələrinə rəğmən təzyiqə məruz qalmaları, vurulub-əzilmələri, polis bölmələrinə aparılmaları biabırçılıqdır. Ölkəni polis dövləti görüntüsünə soxmaq kimə fayda verir? Ayıb deyilmi?", deyə Məmmədli yazıb. -0-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz