Açiq mənbələrdən foto.
Siyasətçilərin və ekspertlərin Ukraynanın separatçı regionlarının tanınması haqqında rəyləri
Bakı/22.02.22/Turan: Rusiyanın siyasəti bütün qonşu dövlətlər üçün təhdiddir və qondarma Donetsk və Luqansk respublikalarının tanınması bu təhdidin açıq-aşkar nümunəsidir. Bu fikri Müsavat Partiyasının lideri Arif Hacılı Putinin dünənki qərarını Turan-a şərh edərkən bildirib.
"Bu qərar beynəlxalq hüquqa ziddir və aydındır ki, beynəlxalq ictimaiyyət onu ppisləyəcək və Rusiyaya qarşı sanksiyalar tətbiq edəcək", deyə Hacılı bildirib.
Rusiyanın hərbi-siyasi rejimi SSRİ-nin bərpası ideyası ilə yaşayır. "Bütün qonşu dövlətlərə qarşı ərazi iddiaları irəli sürülür. Putinin hazırki siyasəti bütünlükdə Avrasiya məkanı və bütün dünya üçün təhlükəlidir.
Putinin çıxışından aydın oldu ki, Rusiyanın bütün qonşularına qarşı iddiası var. Bunu nəzərə alaraq, beynəlxalq ictimaiyyət Rusiyanı dayandırmalıdır", deyə Hacıyev bildirib.
Hüquq sahəsində ekspert Ələsgər Məmmədli də onunla həmrəydir. O da hesab edir ki, Putinin imperiya ambisiyaları var və o, SSRİ-nin bərpası arzusu ilə yaşayır. "Qərb isə öz qorxaq ikili standartlar siyasəti ilə buna göz yumur, bugünki vəziyyət məhz bunun nəticəsidir", deyə Məmmədli bildirib.
AXCP lideri Kərimli hesab edir ki, heç bir "normal" dövlət Donbasın Ukraynadan ayrılmasını tanımaz. Ukrayna ərazilərinin işğalı Rusiyanın beynəlxalq təcridini daha da artıracaq. Azərbaycan əvvəlki kimi Ukraynanın ərazi bütövlüyünü dəsəkləməlidir, deyə o qeyd edib.
O, İlham Əliyevin Moskvaya səfərinin məhz belə bir vaxtda baş verməsi, burada Azərbaycan və Rusiya arasında müttəfiqlik haqqında bəyannamə imzalanması ilə bağlı təəssüfünü bildirib. Onun fikrincə, Rusiya ilə bəyannamə Türkiyə ilə Şuşa bəyannaməsini tarazlaşdırır və Bakı Moskva və Ankara arasında bərabər məsafəli mövqe tutacaq.
"Əlbəttə, biz Rusiya ilə münaqişə istəmirik, amma bu, o demək deyil ki, biz Qarabağ üzərində suverenliyimizi bərpa etməyimizə imkan verməyən və Ukrayna və Gürcüstan ərazilərini işğal edən ölkənin müttəfiqi olmalıyıq", deyə Kərimli bildirib.
Onun fikrincə, Rusiya ilə elan edilmiş ittifaq Azərbaycanın təhlükəsizliyi üçün təhdidi artıracaq və ölkənin suverenliyini məhdudlaşdıracaq, Qərblə münasibətlərə xələl gətirəcək.
Hakim "Yeni Azərbaycan" Partiyasından deputat Elman Nəsirov Donbasda gərginliyin artması fonunda RF-nin "DXR" və "LXR"i tanımaq haqqında qərarını gözlənilən qərar adlandırıb. O, bu qərarın Qarabağ separatçılarında yalan ümidlərə səbəb ola biləcəyini qeyd edib.
"Hamıya məlumdur ki, Rusiya bu addımı Qərbin fəal iştirakı ilə Ukrayna ilə düşmənçiliyinin artması fonunda qəbul edib. Qarabağda müharibə başa çatıb və Rusiya nizamlama prosesinin bilavasitə iştirakçısıdır. Bütün dünya və Rusiya özü Qarabağın Azərbaycanın ayrılmaz hissəsi olduğunu qəbul edir", deyə Nəsirov bildirib.
REAL partiyasının siyasət komitəsinin üzvü Natiq Cəfərli də RF-nin separatçı qurumları tanımasının gözlənilən olduğunu hesab edir. Bütün bu illər ərzində bu ərazilərə Rusiya nəzarət edirdi. Bu hadisələrin Cənubi Qafqaza təsirinə gəlincə, Azərbaycanın əsas məqsədi Ermənistanla Böyük Sülh Sazişini imzalamaqdır. Bu proses sürətləndirilməlidir.
Əsas problem Qarabağda Rusiya sülhməramlılarının yerləşdirilməsidir. Azərbaycan və Ermənistan bütün problemləri həll etsələr, Qarabağda "sülhməramlılara" ehtiyac olmayacaq, deyə Cəfərli bildirib. -06В-
-
- Cəmiyyət
- 22 Fevral 2022 14:41
Cəmiyyət
-
Mayın 6-da Bakıda və Abşeronda buludlu hava şəraitinin üstünlük təşkil edəcəyi gözlənilir. Axşam və gecə saatlarında yağış yağacağı, şimşək çaxacağı. Şimal-qərb küləyi əsəcək.
-
Mədəni müxtəlifliyi və dini tolerantlığı ilə tanınan Azərbaycanda pravoslav xristianlar ən əlamətdar və sevincli bayramlarından birini - Pasxa bayramını qeyd ediblər. Mayın 4-dən 5-nə keçən gecə Bakıda və digər bölgələrdəki pravoslav kilsələrində bayram adət-ənənələri və ayinləri ilə zəngin bayram tədbirləri keçirilib.
-
Mayın 4-də Sumqayıt şəhərində polis əməkdaşları məhkəmənin qərarını icra edərək Azərbaycan siyasətçisi və alimi Qubad İbadoğlunun evində ona hərəkətlərinə məsafədən aramsız nəzarət etməyə imkan verən elektron qolbaq tətbiq ediblər. Bu elektron nəzarət vasitəsinin tətbiq olunması İbadoğlunun yerdəyişmələrini müəyyən ərazi ilə məhdudlaşdırmaqla onun hüquqi problemlərinin davam etdiyini göstərir.
-
İyun ayında çimərlik mövsümü açılacaq, Gigiyena və Epidemiologiya Mərkəzi bəzi çimərliklərdə dəniz suyunun çirkləndiyini, digərlərində təmiz olduğunu elan edəcək. Hər il Abşeron çimərliklərində dəniz suyunun bakterioloji göstəriciləri əvvəlki kimi qalır: yarımadanın şimal sahili nisbətən təmizdir, Bakı, Sumqayıt, Yalama və Xaçmaz yaxınlığındakı çimərliklər isə dənizə girənlərə ağır xəstəliklər bəxş edə bilər.
Rəy yaz