Türkiyənin Transanadolu qaz kəməri (Trans Anadolu Pipeline, TANAP) layihəsindəki payı 30%-ə çatacaq, deyə ARDNŞ rəhbəri Rövnəq Abdullayev ANS-ə müsahibəsində bildirib.
"Türkiyə hökuməti TANAP layihəsindəki payının artırılmasını xahiş edib. Azərbaycan prezidentinin tapşırığı ilə danışıqlar apardım və Türkiyənin TANAP layihəsindəki payını 20%-dən 30%-ə artmasına razılıq verilib. Artıq sənədlər hazırlanır", - deyə Abdullayev bildirib.
Statoil-un TANAP layihəsində iştirakdan imtinasını şərh edən Abdullayev qeyd edib ki, şirkətin daxili prinsipləri var və Statoil səs hüququ və nəzarəti olmayan layihələrə daxil olmur.
"TANAP layihəsində ARDNŞ-nin payı 51%-dən az olmamalıdır və səs hüququ təkcə ARDNŞ-yə məxsusdur. Layihə ilə bağlı bütün qərarları ARDNŞ verir", - deyə o bildirib.
TANAP layihəsində türkiyəni BOTAS 20% payla təmsil edir.
BP-Azerbaijan 17 dekabrda TANAP layihəsində 12% səhm aldığını bildirib. Bununla ARDNŞ-nin TANAP layihəsindəki payı 80%-dən 68%-ə düşüb. –0--
İqtisadiyyat
-
Rəşad Hüseynov Kənd Təsərrüfatı Nazirliyinin tabeliyində olan Aqrar Tədqiqatlar Mərkəzinə (ATM) yeni direktor təyin edilib. O, 2019-cu ildən mərkəzə rəhbərlik edən Firidusi Fikrətzadəni əvəz edib. Fikrətzadə iyunun 10-da öz istəyi ilə vəzifəsindən ayrılıb.
-
İyulun 1-dən avtobuslarda və metroda gediş haqqı 10 qəpik bahalaşaraq 50 qəpik olub. Bakı-Sumqayıt istiqamətində avtobusda gediş haqqı isə 60 qəpikdən 70 qəpiyə yüksəlib. Amma qiymət artımından sonra keyfiyyətdə heç bir dəyişikliyin olmadığı bildirilir. Şikayətlərə görə, periferiyada fəaliyyət göstərən avtobuslarda kondisionerlər işləmir, sıxlıq davam edir.
-
Azərbaycan Respublikası Dövlət Neft Şirkətinin (SOCAR) Prezidenti Rövşən Nəcəf, Sloveniya Ətraf Mühit, İqlim və Energetika Naziri Bojan Kumer ilə ikitərəfli enerji sektorunda əməkdaşlığı müzakirə etmək üçün görüş keçirdi.
-
Azərbaycanın energetika naziri Pərviz Şahbazov Dünya Bankının Cənubi Qafqaz üzrə regional direktoru Roland Praysın rəhbərlik etdiyi nümayəndə heyəti ilə görüşərək enerji sektorunda əməkdaşlığın inkişafını müzakirə edib.
Rəy yaz