![Bağlanmış 4 bankın əmanətçilərinə 45 milyon manat kompensasiya ödənilib](https://turan.az/resized/750/500/resize/media/2016/main/082000166202.jpg)
Bağlanmış 4 bankın əmanətçilərinə 45 milyon manat kompensasiya ödənilib
Azərbayan Əmanətlərin Sığortalanması Fondu avqustun əvvəlindən “Dekabank”, “Kredobank”, “Zaminbank” və “Parabank”ın əmanətçilərinə 45 mln. manat kompensasiya ödəyib. Bu barədə Fondun məlumatında deyilir.
Sadalanan bankların lisenziyaları iyulun 21-də Maliyyə Bazarlarına Nəzarət Palatası Direktorlar Şurası tərəfindən ləğv edilib.
Turan məlumat verir ki, “Parabank” əmanətçilərinə 16,9 mln. manat ödənilib. “Zaminbank” 20,7 mln. manat, “Kredobank” 5,2 mln. manat, “Dekabank” 2,2 mln. manat kompensasiya alıb.
Maliyyə eksperti, Vəkillər Kollegiyasının üzvü Əkrəm Həsənov Turan-ın müxbirinə bildirib ki, bəzi strukturlar ödənişə limit tətbiq edirlər – hər ay 5 min manat.
Həmçinin xarici valyuta ilə qoyulan əmanətlər nədənsə Mərkəzi Bankın məzənnəsi ilə manatla qaytarılır. “Yəni, müştərilərə pullar hissə-hissə qaytarıldığı halda normal rejim barədə bəyanatlar vəziyyətlə uyğun gəlmir.
Mövcud Mülki Məcəlləyə görə, əmanətlər məhdudiyyət olmadan qaytarılmalıdır. Bundan əlavə, əmanətlər hansı valyutada qoyulubsa onunla da qaytarılmalıdır. Bu baxımdan əmanətlərin müştərilərlə razılaşdırılmış məzənnə ilə bir valyutadan digərinə konvertasiyasını nəzərdə tutan qanunvericiliyin kobud pozulduğunu müşahidə edirik.
Azərbaycan Əmanətlərin Sığortalanması Fondu fəaliyyətə 2007-ci il avqustun 13-də başlayıb. Xatırladaq ki, Fondun Himayəçilər Şurasının qərarı ilə xarici valyutada sığortalanan əmanətlər üzrə faiz dərəcəsinin yuxarı həddi 12%-dən 3%-dək endirilib. Milli valyutada sığortalanan əmanətlər üzrə illik faiz dərəcəsinin yuxarı həddi 12% təşkil edir.
“Əmanətlərin tam sığortalanması haqqında” qanuna görə, üç il ərzində əhalinin əmanətləri (illik faiz dərəcəsi Fondun Himayəçilər Şurasının müəyyən etdiyi maksimal səviyyəni keçməyən) Fondun üzvləri olan banklardakı depozitin məbləğindən asılı olmayaraq sığortalanacaq. 74D
-
- İqtisadiyyat
- 20 Avqust 2016 10:10
-
- Siyasət
- 20 Avqust 2016 11:55
İqtisadiyyat
-
Bakıda, Dünya Bankı Qrupunun "Favorable Business Environment" layihəsinin bir hissəsi olaraq, internet xidmətlərinin təkmilləşdirilməsi üzrə 2024 Yol Xəritəsinin təqdimatı keçirildi, rəsmilər cümə axşamı bildirdi.
-
Bu gün Bakıda BƏƏ-nin Azərbaycan investisiyalı “Green Capital Management” şirkəti ilə Qətərin “Al Baladi Holdings” şirkəti arasında strateji tərəfdaşlıq sazişi imzalanıb.
-
Azərbaycan və Serbiya bu gün Bakıda ticarət və iqtisadi əməkdaşlıq üzrə hökumətlərarası komissiyanın 8-ci iclasını keçirdi. İclasda Azərbaycan Əmək və Əhalinin Sosial Müdafiəsi Naziri Sahil Babayev və Serbiya Mədəniyyət Naziri Nikola Selakoviç həmsədr oldular.
-
Azərbaycan Respublikası Dövlət Neft Şirkətinin (SOCAR) prezidenti Rövsən Nəcəf Qazaxıstan Milli Neft Şirkəti KazMunayGas-ın İdarə Heyətinin sədri Asxat Xasenovla görüşüb və Qazax xam neftinin Azərbaycan ərazisindən keçməklə tranzit həcminin artırılması və əməkdaşlığın genişləndirilməsi məsələlərini müzakirə edib.
Rəy yaz