Bu gün Bakıda Bakıda MDB dövlətlərinin Antiinhisar Siyasəti üzrə Dövlətlərarası Şurasının 36-cı iclası işə başlayıb. İştirakçılar iclasın ilk günü Şuranın 35-ci iclasında qəbul edilmiş qərarların icra vəziyyəti və bu sahədə görülmüş işləri müzakirə edir.
İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidmətinin rəisi, dövlət xidmətində fərqləndiyi üçün medal almış Zahid İsayev “Müasir mərhələdə Azərbaycan Respublikasında rəqabət siyasətinin inkişafı” mövzusunda məruzə ilə çıxış edib. İqtisadi İnkişaf Nazirliyinin press-relizində bu siyasətin nə olduğu açıqlanmır. Amma heç kəs üçün sirr deyil ki, Azərbaycanda son 5 ildə Rəqabət Məcəlləsi qəbul edilmir. Təbii və bazar inhisarı subyektlərinin reyestri açıqlanmır. Müstəqil ekspertlər qeyd edir ki, ölkə iqtisadiyyatının praktik olaraq bütün sahələri inhisraçıların əlində toplanıb. Onları dövlət məmurları himayə edir. Amma Antiinhisar Siyasəti və İstehlakçıların Hüquqlarının Müdafiəsi Dövlət Xidməti praktik olaraq bunu “görmür”. Ədalət naminə deyək ki, Xidmət Azerbaijan Coca-Cola Bottlers şirkətini rəqabət prinsipini pozduğu üçün iki dəfə cərimələyib. Bakı və regionlarda kiçik ticarətçilər deyirlər ki, bu Xidmətin müxtəlif bəhanələrlə rüşvət tələb edən əməkdaşları onları boğaza yığıb. 08B
İqtisadiyyat
-
Azərbaycan hökuməti sosial müdafiəyə xüsusi ehtiyacı olan və işə düzəlməkdə çətinlik çəkən şəxslərin məşğulluğunu asanlaşdırmaq üçün yeni qaydalar qəbul edib. 29 dekabrda Nazirlər Kabineti tərəfindən təsdiq edilmiş qərar, dövlət və özəl sektorun əməkdaşlığı vasitəsilə iş yerlərinin yaradılmasına yönəlmiş məqsədli proqramları əhatə edir.
-
Nazirlər Kabineti xüsusi sosial müdafiə ehtiyacları olan və iş tapmaqda çətinlik çəkən şəxslərə dəstək məqsədilə məqsədli məşğulluq proqramlarını həyata keçirmək üçün yeni qaydaları təsdiqləyib. Dövlət Məşğulluq Agentliyi tərəfindən icra olunacaq bu tədbirlər prioritet iqtisadi sahələrdə iş yerlərinin yaradılmasını təşviq edir.
-
Nazirlər Kabineti 24 may 2024-cü il tarixində qəbul edilmiş qanuna uyğunluğu təmin etmək məqsədilə bir sıra normativ aktlara əsaslı düzəlişlərin edildiyini elan edib. Bu qanun Vergi Məcəlləsi, Gömrük Məcəlləsi, dövlət rüsumları və lisenziyalaşdırma haqqında qanunların yenilənməsinə yönəldilmişdir.
-
Nazirlər Kabineti, ölkənin elektrik infrastrukturunun gücləndirilməsi məqsədilə qəbul edilmiş yeni qanunlara uyğun olaraq, energetika sahəsində əhəmiyyətli dəyişikliklər edib. 29 dekabrda Baş Nazir Əli Əsədov tərəfindən imzalanan qərar, bir neçə əvvəlki hökumət qərarına dəyişikliklər tətbiq edir və elektrik istehsalı və avadanlıqların istismarı ilə bağlı əsas qaydaların ləğvini nəzərdə tutur.
Rəy yaz