Vəsaitləri sığortalanan əmanətçilərdən fərqli olaraq, sahibkarlar faktik olaraq bank bağlananda müdafiəsiz qalır.
Hüquqi və sahibkarlıqla məşğul olan fiziki şəxslərin banklardakı vəsaiti sığortalanmamış kateqoriyasına daxil edilir.
«Banklar haqqında» qanunun 82 maddəsi bank müflis olanda ödənişlərin növbəliliyini nəzərdə tutur. Bu siyahıda hüquqi şəxslərin vəsaitləri təmin edilməmiş kateqoriyasında, siyahıda axırıncıdan əvvəlinci yerdədir.
Qaydalara əsasən, bank müflis olanda bu maddə tətbiq edilir, məhkəmə 60 gün ərzində qərar qəbul edir və vəsaitlərin qaytarılması növbəsi təyin edilir.
Yəni sahibkar 60 günlüyə vəsaitindən məhrum olur, bu vaxt əmək haqqı verməkdə çətinlik çəkir, sahibkarlıqla məşğul ola bilmir., işi iflic olur.
Əmanətlərin Sığortalanması Fondunun saytında göstərilir ki, sahibkarlıqla məşğul olan fiziki şəxslərin banklardakı vəsaiti də sığortalanmamış hesab edilir.
«Azərqarant» SŞ buna örnəkdir. Onun «Atrabank»da 2 mln manatı vardı.
Şirkətin İH sədri Rəşad Məmmədov bəyan edib ki, bununla bağlı onlar fəaliyyətini dayandırmalı və bank sisteminə inanmamalıdır.
Vəziyyəti Turan-a şərh edən iqtisadçı Vüqar Bayramov qeyd edib ki, bu, qanunvericilikdə boşluqdur.
«Hüquqi və sahibkarlıqla məşğul olan fiziki şəxslərin banklardakı vəsaiti sığortalanmış əmanət hesab edilməlidir. Bank müflis olanda və ya məcburi şəkildə bağlananda sahibkarların vəsaiti təcili qaytarılmalıdır ki, fəaliyyətlərinə əngəl yaranmasın», deyə o bildirib.
Onun sözlərinə görə, bu cür vəziyyət sahibkarları məcbur edir ki, təcili vəsaitini nağdlaşdırsın. Onlar banklarda pul saxlamaqda maraqlı deyil.
«Bu, ədalətsizlikdir. Onlar hesaba xidmət üçün banka ödəniş edir, dividend əldə edir, bank onların vəsaitlərindən istifadə edir, bank bağlananda sahibkarlar pullarını itirir», deyə V.Bayramov bildirir.
Ekspert qeyd edib ki, qanunvericilər bu məsələyə diqqət yetirməli və problemi həll etməlidir. Hələlik isə sahibkarlar vəsaitlərini bir neçə bankda saxlamalıdır. –71В-
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz