![Kapital Bank: açıq səhmdar cəmiyyətində qapalı iclas](https://turan.az/resized/media/2012/main/062100002863-750-500-resize.webp)
Kapital Bank: açıq səhmdar cəmiyyətində qapalı iclas
"Kapital Bank"ın minoritar səhmdarları 18 iyunda bankın səhmdarlarının ümumi yığıncağına çağrılmamaq bir yana, oraya buraxılmayıblar. Yığıncağın gündəliyində bu məsələlər olub: nizamnamə kapitalının artımı, ötən il üçün maliyyə hesabatının təsdiqi, Müşahidə Şurası və Auditor Komitəsinin tərkibində dəyişiklik və s.
«İki saata yaxın gözlədik və daxili telefonla bank rəhbərliyi ilə əlaqə saxlamaq istədik, amma bizə tədbir barədə məlumatı olmayan aşağı eşelon işçiləri cavab verdi və hər dəfə dedilər ki, rəhbərliyə xəbər verəcəklər və kimsə qarşımıza çıxacaq. Nəhayət, bankın sədr müavini Yaşar Əliyevin adından minoritarlara dedilər ki, iclasın nəticələri barədə onlara sonradan məlumat veriləcək, hələlik heç bir məlumat yoxdur», - deyə bankın səhmdarı Vüqar İsmayılov Turan-a bildirib.
Onun sözlərinə görə, minoritarları ötən illər də müxtəlif bəhanələrlə yığıncağa buraxmayıblar, hərçənd müvafiq məktub-bildiriş göndərilib. Bu dəfə məktub da olmadı və yığıncağın keçirildiyini KİV-dən öyrəndik (“Xalq Qəzeti”, 1 may 2012- red. qeydi) – deyə bankın səhmdarı İlham Məmmədəliyev bildirir. Bankın menecmenti ya Paşayevlər familiyasının arxasında gizlənərək Azərbaycan qanunvericiliyini saymır «ya da bu, bankın indiki şəraitdə biznes aparmaq prinsipidir», deyə bankın Turan-ın müxbirinə müraciət edən qəzəbli səhmdarları bildirib.
Bank müşahidəçilərinin fikrincə, bu cür hallar Azərbaycanda ailə bankları üçün xarakterikdir. Mövcud bankların yarıdan çoxu belədir, bank sisteminin kapitallaşmasının aşağı səviyyəsi də bununla şərtlənir.
Ümumi yığıncaqların çağırılması bu cür banklar üçün sırf formal xarakter daşıyır, bütün məsələlər dar ailə dairəsində həll edilir və menecment isə onları rəsmiləşdirir. Bu zaman təkcə bank qanunvericiliyi yox, korporativ idarəetmənin baza prinsipləri və Mülki Məcəllənin müvafiq müddəaları da pozulur.
Qiymətli Kağızlar üzrə Dövlət Komitəsində bu barədə məlumatları olmadığını deyərək vəziyyəti Turan-a şərh etməyiblər. Və qeyd ediblər ki, əgər səhmdarlar yazılı mürtaciət etsələr, QKDK “Kapital Bank”da onların hüquqlarının pozulmasını araşdıracaq.
Bankın mətbuat xidmətində ümumi yığıncaqların çağırılması faktını təsdiq ediblər. Amma səhmdarların hüquqlarının pozulması ilə bağlı suala cavab verməyiblər.
"Kapital Bank" ASC 2008-ci ildə özəlləşdirilib. Qaydalara uyğun olaraq, əmək kollektivinin 2500-ə yaxın üzvü səhmlərin 2,5%-i əldə edib. Bankın iri səhm paketlərinin "Ata Holding", "Azersun Holding", "Xalq Sigorta" və başqaları alıb. Amma sonradan paylar "Pasha Holding" MMC-yə satılıb. Sonradan bank əməkdaşları öz səhmlərini nominaldan +40% qiymətə - bir səhmi 14 manata satmağa məcbur olub. Hazırda səhm nəzarət paketi (99,98%) prezident İlham Əliyevin qohumları Paşayevlər ailəsinin əlindədir. Qalan səhmlər 100 səhmdara məxsusdur. Bank özəlləşdiriləndən dividend vermir və NK-ı səhm emissiyası ilə hər il artırır. Minoritarların əldə etmədiyi səhmləri (güzəşt müddəti 3 gün) “Pasha Holding" alıb və bankın NK-da xüsusi çəkisini artırıb.—0—
-
- Cəmiyyət
- 21 İyun 2012 12:34
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz