Məktəb paltarı və qidası tənqid güzgüsündə

Azad istehlakçılar Birliyinin bugünkü mətbuat konfransı məktəvlərdə keyfiyyətli paltar və qida məsələsinə həsr edilib. 

Hüseynovun sözlərinə görə, situasiya dövlət strukturlarının nəzarəti altında olsa da, problemlər qalır. Paltar tikişi ilə iki fabrik məşğul olur. Onlara inzibati dəstək var və inhisarçı mövqe tuturlar. «Onların məhsulları keyfiyyətlidir. İl boyu geyinilsə də, keyfiyyətləri düşmür. Amma inhisarçılıq olduğu üçün paltar baha – komplekti 50 manata satılır», - deyə AİB sədri bildirib. 

Əvvəlki illərdə olduğu kimi, bazarda saxta mallar da var. «İlk baxışdan onlar orijinaldan fərqlənmir. Amma AİB-in analizi göstərir ki, onlarda süni kimyəvi tərkib var və həyat üçün təhlükəlidir», deyə Hüseynov bildirib. Həmçinin saxta mallarda istifadə qaydalarını göstərən yarlık yoxdur. Monitorinq göstərib ki, məktəbli geyimlərinin 25-30%-i kustar üsulla hazırlanır. 

Bu il Dövlətstandartkom məktəbəqədər müəssisələr və məktəblərdə qida standartı qəbul edib. Hüseynovun sözlərinə görə, sənədin mənfi və müsbət tərəfləri var. Onlar bir sıra qidaların (çipsi, qazlı sərinləşdirici içkilər və s.) qadağan edilməsindən razıdır. Amma Hüseynov hesab edir ki, məktəblərdə kolbasa və sosis satılmamalıdır. Standart məktəblərdə isti yeməklər verilməsini nəzərdə tutmur. AİB bunu tənəffüsün qısa (10 dəqiqə) olması ilə bağlayır. Hüseynov təklif edib ki, məktəb dəhlizlərində Avropada olduğu kimi təzə meyvə satışı avtomatları quraşdırılsın. 08C