İstanbulda Azərbaycanlı xalça sənətçisi Elnarə Rəsulovanın fərdi sərgisi açılıb. Şəhərin qədim məkanlarından birində keçirilən sərgidə Rəsulovanın 17 əsəri ilə yanaşı, təxminən 50 xalça nümayiş etdirilir. Kolleksiyadakı əsərlərdən biri XVII əsrə aiddir.
Türkiyə incəsənət ictimaiyyətinin böyük maraq göstərdiyi sərginin açılış mərasimində çıxış edən Harı Bülbül Vizyon Tiyatro Derneği başqanı Kamalə Cabbarova, sərginin Türk sənətsevərlərə təqdim olunmasında görülən işlərdən danışıb. O, bundan sonra Azərbaycan mədəniyyətinin Türkiyədə tanıdılması istiqamətində müxtəlif layihələrin həyata keçiriləcəyini qeyd edib. Cabbarova vurğulayıb: “Mən bu işləri taleyimin hökmü kimi qəbul edirəm, bu səbəbdən Azərbaycan Respublikasının Ankaradakı səfirliyi nəzdində fəaliyyət göstərən mədəniyyət mərkəzi ilə əməkdaşlıq şəraitində fəaliyyətimizi daha da genişləndirəcəyik.”
“Biz birlikdə güclüyük” adlı sərgisinin açılış mərasimindən sonra Turan Agentliyinə verdiyi açıqlamada xalça ustası Elnarə Rəsulova deyib: “Dünyanın ən böyük metropollarından birində fərdi sərgimin açılmasından çox məmnunam. Sərgi üçün seçilən məkan, əsərlərimin və kolleksiyamdakı xalçaların ruhu ilə vəhdət təşkil edərək sənətsevərləri əsərlər üzərində daha dərindən düşünməyə sövq edir. Qeyd etmək istəyirəm ki, əsərlərim bir komandanın birgə fəaliyyətinin nəticəsidir. Beynimdə və qəlbimdəki layihələri kağız üzərinə eskiz olaraq köçürərkən əsərlərimin ölçüləri də müəyyənləşir. Mənimlə əməkdaşlıq edən hər kəsə Türkiyədəki ilk fərdi sərgimin açılışında təşəkkür etmək mənim borcumdur. Bu sərginin yaradıcılığımda yeni üfüqlər açdığına əminəm. Gələcəkdə əsərlərimi dünyanın ən mühüm qalereyalarında, hərrac evlərində və muzeylərində nümayiş etdirmək niyyətindəyəm.”
Azərbaycanlı xalça sənətçisi Elnarə Rəsulovanın İstanbulda təşkil etdiyi sərginin açılışında çıxış edən Türkiyədəki Azərbaycan Diasporaları Federasiyasının sədri Pərviz Məmmədzadə isə əsərlərin Türkiyənin digər şəhərlərində də nümayiş etdiriləcəyini və növbəti sərginin Adanada açılacağını bildirib.
Mədəniyyət
-
Müxtəlif mədəni tədbirləri ilə tanınan Salaam Kinoteatrının ürəyində yerləşən Bakının Bit Bazarı beşinci dəfə təşkil olundu və davamlılıq, yaradıcılıq və icma quruculuğuna diqqət yetirən canlanmış ziyarətçilər və satıcılar kütləsini özünə cəlb etdi. Sosial sahibkarları dəstəkləmək üçün nəzərdə tutulan bu tədbir, şəhərin ətraf mühitə həssas biznes, incəsənət və həyat tərzi sahələrinə artan marağının kiçik bir nümunəsi kimi çıxış etdi.
-
2020-ci ildə yaradılan Ritual Teatr və Yaradıcılıq Laboratoriyası rejissor və pedaqoq Aynur Zərrintacın əməyinin bəhrəsidir. O, sabit divarları olmayan bir teatr, harada olursa- olsun tamaşaçılara dəyişik səhnələr təqdim edərək şəhərləri və qəsəbələri dolaşa biləcək platforma təqdim edib. Əvvəlcə Ritual Mobil Teatr kimi tanınan bu ambisiyalı konsepsiya son dörd ili köçəri truppa kimi keçirib və özünün unikal sosial teatr formasını Azərbaycanın müxtəlif icmalarına daxil edib.
-
Azərbaycan tarixini dərk etmək axtarışı müasir ədəbiyyat, mədəniyyət və milli qürurla getdikcə daha çox toxunan davamlı bir səyahətdir. Bu yaxınlarda Milli Azərbaycan Tarixi Muzeyində Yusif Ağayevin “Böyük Azərbaycan şairi Nizami Gəncəvinin yaradıcılığında 11-13-cü əsrlərin döyüş sənəti” adlı yeni kitabının təqdimatı keçirilib. Bu tədbir Azərbaycanın mədəni və akademik dairələrində ikiqat təntənəli hadisə olub, orta əsrlər hərb tarixini irsi uzun müddətdir Azərbaycanın identikliyini zənginləşdirən şair Nizami Gəncəvinin məşhur əsərləri ilə əlaqələndirib.
-
İqlim dəyişikliyinin ən kəskin qlobal problemlərdən biri kimi qəbul edildiyi dövrdə bu problem Latviyanın Flow (“Axın”) cizgi filmində öz dərin, vizual inandırıcı əks-sədasını tapıb. FantazEU Mədəni İrs Festivalı çərçivəsində Park Cinema-da nümayiş etdirilən “Axın” tamaşaçılara ekoloji fəlakət şəraitində yaşamaq, əməkdaşlıq və davamlılıq haqqında sözsüz, vizual olaraq heyrətamiz meditasiya təqdim edir. 2024-cü ildə çəkilmiş cizgi- fantaziyanın rejissoru Gints Zilbalodis, ssenaristlər Zilbalodis və Matiss Kajadır. O, beynəlxalq festivallarda mükafatlar alıb və hər yaşda azərbaycanlı tamaşaçıda təəssürat oyadıb.
Rəy yaz