- Mədəniyyət
- 15 Sentyabr 2019, 7:11
- 38
Nuri Paşanı yeniyetmələrə tanıdan kitab çap edilib
Bakı/15.09.19/Turan: İstanbuldakı "Nar çiçekleri" nəşriyyatı Türkiyənin tanınmış uşaq yazarı Hasan Yiğitin "Gec ucaldılan abidə" kitabını nəşr edib.
Turan agentliyə məlumatı kitabın müəllifi bildirib ki, yeniyetmələr və gənclər üçün nəzərdə tutulmuş kitabda 28 may 1918-ci ildə elan edilən Azərbaycan Cümhuriyyətinin hərbi baxımdan himayəçisi olmuş Qafqaz İslam Ordusunun komandanı Nuri Paşanın (Nuri Killigil) həyat və fəaliyyətinin mühüm dövrləri işıqlandırılıb.
"Bu, mənim yazdığım "Mustafa Kamal Atatürkün sadiq dostları" seriyasından çıxan biinci kitabımdır.Bu seriyadan yazdığım 10 kitabın hamısını yaxın gələcəkdə çap etdirməyi planlaşdırıram."Gec ucaldılan abidə" kitabında Bakını işğaldan azad edən Nuri Paşanın həyatını, hərbi və hərb sənayesi sahəsində gördüyü işləri yeniyetmə və gənc oxuculara sadə bədii dildə təqdim etmişəm.Türkiyə və Azərbaycan üçün eyni dərəcədə doğma olan Nuri Paşa ilə bağlı yazdığım kitabın Azərbaycanlı yeniyetmə və gənc oxucuların rəğbətini qazanacağına inanıram.Kitabımın Bakıda da çapını ürəkdən arzu edirəm", Hasan Yiğit deyib.
"Gec ucaldılan abidə" kitabının ilk nəşrinin tirajı 3 min ədəddir. Topdan kitab satış firması ilk nəşrin tirajının çoxunu alıb.Kitabın internet vasitəsiylə də satışı təşkil edilib.
2016-cı ilin iyununda İstanbuldakı "Demkar" nəşriyyatı tədqiqatçı Atilla Oralın 928 səhifədən ibarət "Nuri Killigil" kitabını nəşr edib.-0-
-
- Sual-cavab
- 14 Sentyabr 2019 23:20
-
- Cəmiyyət
- 15 Sentyabr 2019 07:32
Mədəniyyət
-
“Eurovision” mahnı müsabiqəsinin parlaq xaosunda Azərbaycanın Fahree - İlkin Dövlətov dueti tamaşaçıların rəğbətini qazanması ilə deyil, “Eurovision”un üstünlük təşkil edən üslubundan xeyli fərqlənməsi ilə diqqət çəkib. Mayın 8-nə keçən gecə onların çıxışı TuraLTuranX brothers qrupunun keçən ilki nəticəsini təkrarlayaraq, onları finala çıxarmayıb. Hər iki halda Azərbaycan nümayəndələri on ikinci çıxış ediblər və səhnədə təmkinli davranış nümayiş etdiriblər, bu da “Eurovision”da çox vaxt rast gəlinən parlaq çıxışlardan fərqlənib.
-
Tekstil sənətinə bənzərsiz yanaşması ilə tanınan türkiyəli rəssam Süzan Murat “Turan” Agentliyi ilə canlı söhbətində sənətinə olan ehtirası və baxışlarını bölüşüb. Ənənəvi rəssamlığa üstünlük verən bir çox müasirlərindən fərqli olaraq, Murat bədii fikirlərini ifadə etmək üçün iynə və sapa müraciət edir, parçanı həyat və rənglə dolu kətanlara çevirib.
-
Çox zaman kinoekran insan emosiyalarının incəliklərini və sosial problemləri cəsarətli ştrixlərlə əks etdirən kətan (xolst) sayılır. Rejissor İlqar Safatın "İçərişəhər" psixoloji dramı da belədir.
-
Müasir incəsənətin daim dəyişən dünyasında sərgilər çox vaxt cəmiyyətin mürəkkəbliyini və insan təcrübəsini əks etdirən güzgü rolunu oynayır.
Rəy yaz