Türkiyə prezidentinin Kommunikasiya başqanlığı Cümhuriyyətin ildönümünə aid tarixi-sənədli film nümayiş etdirir

İstanbulun mərkəzndə yerləşən Taksim meydanındakı çadırda Türkiyə Cümhuriyyətinin 96 illiyinə həsr edilmiş tarixi-sənədli film nümayiş etdirilir.

Türkiyə prezidentinə bağlı Kommunikasiya başqanlığının ssenarisi əsasında hazırlanan tarixi-sənədli filmdə Anadolu torpaqlarının və Trakya bölgəsinin düşmən işğalına məruz qalmasından sonra ordudan istefa verən Mustafa Kamal pasının təşkilatçılğında yaradılan Mili mübarizə hərəkatının işğala qarşı müqaviməti və bu günkü Türkiyə sərhədləri içində qalan ərazilərin işğaldan azad edilməsi təsvir edilir.

Tarixi-sənədli filmdə torpaqların işğaldan azad edilməsində 23 aprel 1920-ci ildə açılan Türkiyə Böyük Millət Məclisinin önəmli rolu vurğulanır.

Ölkə ərazisinin tamamilə işğaldan azad edilməsindən sonra Lozan konfransında əldə edilən diplomatik uğur da tarixi-sənədli filmin leytmotivini təşkil edən məqamlardandır.

29 oktyabr 1923-cü ildə Türkiyə Cümhuriyyətinin elan edilməsindən sonra təhsil, səhiyyə,kənd təsərrüfatı sahəsindəki problemlərdən baxmayaraq,xalqın dəstəyi ilə həyata keçirilən islahatlarda əldə edilən nailiyyətlər "Cümhuriyyətə gedən yol" tarixi-sənədli filminin tamaşaçılarına analitik şəkildə təqdim edilib.

Filmin sonunda isə "müstəqillik və cümhuriyyət" düşüncələrinin Türkiyə cəmiyyətini heç vaxt tərk etməyəcəyi vurğulanıb.Türkiyə əhalisi kimi İstanbulun əcnəbi qonaqları və həmçinin,yerli və əcnəbi media prezidentə bağlı Kommunikasiya başqanlığının sifarişi ilə hazırlanan "Cümhuriyyətə gedən yol" tarixi-sənədli filminə böyük maraq göstərib.

Turan agentliyinin İstanbulda verfdiyi məlumata görə, film oktyabrın 31-nə qədər göstəriləcək.--0--