![Azərbaycan və Aİ �Şərq tərəfdaşlığı� çərçivəsində sonrakı addımları müzakirə edirlər](https://turan.az/resized/media/2019/main/101100022251-750-500-resize.webp)
Azərbaycan və Aİ �Şərq tərəfdaşlığı� çərçivəsində sonrakı addımları müzakirə edirlər
Bakı/11.10.19/Turan: Avropa İttifaqının Bakı nümayəndəliyi və Azərbaycan Beynəlxalq Münasibətlərin Araşdırılması Mərkəzi oktyabrın 11-də "Şərq tərəfdaşlığı"nın gələcəyinə dair struktur məsləhətləşmələri" adlı birgə konfrans keçiriblər.
" Hər bir dövlət Aİ ilə müxtəlif və uğurlu əməkdaşlıq yollarını keçib. Bu yol hər iki tərəf üçün faydalıdır və hazırkı görüş gələcək birgə işin ümumi prinsiplərini müzakirə etmək üçün keçirilir", - Aİ-nin Bakıdakı nümayəndəliyinin rəhbəri Kestutis Jankauskas deyib.
Avropa Komissiyasının Qonşuluq və Genişləndirmə haqda danışıqlar üzrə Direktorluğunun rəhbəri Vasilis Maragos "Şərq tərəfdaşlığı" proqramında Azərbaycan və Aİ-nin uğurlu işini qeyd edib.
"2014-cü ildən sonra biz başa düşdük ki, proqrama Avropa qitəsində sabitlik və inkişaf üçün tərəfdaşların təhlükəsizliyi məsələləri daxil edilməlidir",- Maraqos deyib.
O, üç Cənubi Qafqaz ölkəsinin sakinləri üçün vətəndaşların vizasız səfərlərinə və Aİ ilə sadələşdirlmiş viza rejiminə dair uğurlu razılaşmaların uğurlarını qeyd edib. Hazırda Aİ və Belarus arasında viza rejiminin sadələşdirilməsi üçün danışıqlar aparılır.
Aİ ilə Azərbaycan arasında tərəfdaşlığın prioritetlərinə gəlincə, o deyib ki, Azərbaycan tələbələri və alimləri üçün səfərlər və Aİ elm və təhsil müəssisələri ilə əməkdaşlıq imkanları sadələşdirilib. "Şərq tərəfdaşlığı" ölkələrinin 30 mindən çox gənci "Erasmus" təhsil proqramından faydalanıblar.
Aİ-nin 10 il ərzində Azərbaycan iqtisadiyyatına yatırdığı investisiyalar 3 minə yaxın yeni iş yeri yaradıb. "Şərq tərəfdaşlığı" iştirakçısı ölkələrində bu rəqəm daha böyükdür", - Maraqos bildirib.
Aİ Azərbaycanın ən böyük ticarət tərəfdaşıdır (2017-ci ildə Azərbaycanın əmtəə dövriyyəsi 36,2% olub). 2016-cı ildən Aİ-Azərbaycan ticarət əlaqələrinin həcmi 17% artıb. Xüsusi yeri energetika və nəqliyyat tutur, Azərbaycan bu sahələrdə mühüm yerdədir.
Uğurlu əməkdaşlıq sahələri sırasında telekommunikasiyanın inkişafı, qanunvericilik və məhkəmə sahələrində qarşılıqlı fəaliyyət göstərilib.
2009-cu ildən 11 min Azərbaycan şirkəti Aİ-dən 207 mln. avro məbləğində kredit alıb. "Şərq tərəfdaşlığı"nın qarşıya qoyduğu vəzifələr sırasında vətəndaş cəmiyyətinin fəaliyyəti üçün şəraitin yaradılması, plüralizm və müstəqil medianın dəstəklənməsi, gender bərabərliyi və diskriminasiyaya qarşı mübarizə da var.
Əsas hissəsi KİV-in iştirakı olmadan keçirilən konfransın gündəliyinə aşağıdakı suallar daxildir: Aİ-Azərbaycan əməkdaşlığı hansı istiqamətdə inkişaf etməlidir? Sadə vətəndaşdan başlayaraq dövlətdə effektiv idarəetməni necə gücləndirmək olar? Radikalizmə qarşı mübarizədə insanların təhlükəsizliyi üçün nə etmək lazımdır? "Şərq tərəfdaşlığı" iştirakçıları arasında hansı fərqlər var və bu fərqləri necə balanslaşdırmaq olar? İnvestisiya əməkdaşlığını necə inkişaf etdirmək lazımdır və hansı sahələrin buna xüsusi ehtiyacı var?
Konfrans iştirakçılarının təklifləri ümumiləşdiriləcək və "Şərq tərəfdaşlığı" proqramının 2020-ci ilin birinci yarısında keçiriləcək sammitinə çıxarılacaq.
Konfransın məruzəçiləri arasında Beynəlxalq Münasibətlərin Araşdırılması Mərkəzinin baş müşaviri Vasif Hüseynov, Azərbaycan Mikromaliyyə Assosiasiyasının direktoru Jalə Hacıyeva, İqtisadi və Sosial İnkişaf Mərkəzinin sədri Vüqar Bayramov, Sahibkarlığın İnkişafı Fondunun prezidenti Sabit Bağırov və başqaları var.0--
-
- Dünyada
- 11 Oktyabr 2019 13:02
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz