AZƏRBAYCAN ORDUSUNDAN MÜƏYYƏN ŞƏXSLƏRIN ƏLINDƏ SIYASI CƏZA APARATI KIMI ISTIFADƏ EDILIR

DEPUTATLIĞA NAMİZƏD BƏXTİYAR HACIYEV SAXLANMAĞININ ƏSL SƏBƏBLƏRİNİ AÇIQLAYIB

"Mən özümə qarşı hərbi xidmət vasitəsi ilə siyasi təzyiq edildiyini bildirirəm və təəssüflənirəm ki, Azərbaycan ordusundan müəyyən şəxslərin əlində siyasi cəza aparatı kimi istifadə edilir. Mənə qarşı bu cür siyasi təzyiqlərin dayandırılmasını tələb edirəm". Bu barədə 17 saylı Yasamal 3-cü seçki dairəsindən deputatlığa namizəd Bəxtiyar Hacıyevin noyabrın 18-də Gürcüstana gedərkən sərhəd keçid məntəqəsində saxlanması barədə yaydığı məlumat - bəyanatda deyilir.
Deputatlığa namizəd bildirir ki, bütün bunlar bir nəfərin hərbi xidmətə gedib-getməməsi yox, sırf siyasi tapşırıq, siyasi sifarişdir: "Nazir övladları, komitə sədrlərinin övladları, lap elə Prezident Administrasiyasında çalışan, yaxud deputat təyin edilən bir çox gənclər var ki, hərbi xidmətdə olmayıblar. Amma heç biri üçün bu qədər güc strukturları səfərbər olunub, onları hərbi xidmətə aparmaq üçün gecə-gündüz çalışmayıb. Heç birinin sərhəddə Azərbaycanı tərk etməsinə qadağa qoyulmayıb, heç biri üçün hərbi komissar məzuniyyətdən geri çağırılmayıb, heç biri üçün gecə saatlarında hərbi prokurorlar, icra nümayəndələri, polis idarəsinin rəisləri müşavirə keçirib kimisə dindirməyib".
B.Hacıyev sərhəd keçid məntəqəsində saxlandıqdan sonra gecə saat 3 radələrində Şəmkir rayonunda yerləşən N saylı hərbi hissəyə aparıldığını, noyabrın 19-da Gəncə şəhər Nizami rayon polis şöbəsinə, Gəncə şəhər Polis İdarəsinə, Gəncə şəhər, Nizami Rayon Hərbi Komissarlığına aparıldığını bildirir. "Burada polislər, Hərbi Komissarlıq, Hərbi Prokurorluq, İcra Hakimiyyətinin nümayəndələri saatlarla israrla, təhdidlərlə, bəzən xahiş edərək, bəzən isə qışqıraraq mənə bəzi sənədləri imzalamağı əmr edirdilər. Mən isə saxlanılmağımın deputatlığa namizəd kimi toxunulmazlığımın olduğu bir müddətdə heç bir order olmadan, heç bir cinayət törətmədən mənim hərbçilər tərəfindən tutulub hərbi hissəyə, polisə, prokurorluğa aparılmağımın qanunsuz olduğunu dəfələrlə desəm də, buna məhəl qoyan olmadı".
O, əsgərlik məsələsinə də aydınlıq gətirib. Bəyanatda deyilir ki, "onun barəsində guya 2009-cu ildən əsgərlikdə olmaması ilə bağlı axtarış verilib. O 2009-cu ul ərzində dəfələrlə sərhəddən Azərbaycana daxil olduğunu və 2010-cu ilin iyulunda hərbi həkim komissiyasından keçdiyini bildirir".
"Bakıda deputatlığa namizəd kimi qeydə alınmışam, İTV-də çıxış etmişəm, Bakının mərkəzində seçki təbliğat-təşviqatı ilə məşğul olmuşam. Soruşdum ki, necə olur 1 ildən artıq axtarışda oluram, amma hüquq-m&#

252;hafizə orqanları məni bu qədər sərbəst gəzdiyim müddətdə tapa bilmir".
Ondan 2011-ci ildə Azərbaycanı tərk etməyəcəyi və hərbi xidmətdən yayınmayacağı barədə yazılı iltizam və bir neçə digər sənədləri imzalamağa məcbur etməyə çalışıblar. "Maraqlıdır ki, 2010-cu il iyulun 9-da hərbi-həkim komissiyasından keçmişəm. Yazıblar ki, iyulun 10-da Hərbi Komissarlığa gəlməyib. İyul ayında həmçinin mən Gürcüstanda doktoranturaya qəbul edilməyimlə bağlı komissarlığa sənəd təqdim etmişəm, amma həmin sənədi də işimə tikməyiblər".
O, təqzyiqlərlə üzləşməyinin səbəblərini də yazır. "2004-2005-ci ildə `Təhsildə rüşvətə YOX deyək` aksiyası zamanı da, 2007-ci ildə susmayaq.biz saytını quranda da müxtəlif vaxtlarda, hökümət tərəfindən hərbi xidmətə göndərilib `cəzalandırılacağımla` bağlı təhdidlər gəlirdi. 2007-ci ilin yanvarında həbs olunub azad edildikdən sonra Bakıda, Qurd Qapısı yaxınlığında bir restoranda höküməti təmsil edən iki dövlət rəsmisi ilə bir görüşümüz olmuşdu. O zaman mənə bildirdilər ki, sən həbs olunduqdan sonra gənclər sənin ətrafında sıx birləşirlər, gəl, sənə dəstək verək, saxta bir müxalifət təşkilatı qur. Təklif edirdilər ki, sənə ev, maşın, pul verək, istədiyin kimi fəaliyyət göstər, amma lazım gələn anda biz nə desək, onu da edərsən. Daha sonra konkret adlar çəkdilər və kimlərə İstanbulda ev, kimlərə Bakıda ev və maşın verdiklərini açıqladılar. Bu şəxslərin kimləri təmsil etdiklərini vaxtı gələndə açıqlayacam. Təbii ki, mən bu təklifdən imtina etdim. Çox mülayim şəkildə `çox sağ olun, mənim xaricdə təhsil almaq planlarım var` deyəndə həmin şəxslərdən biri `özün bilirsən ki, hərbi xidmətdə olmamısan. İstənilən vaxt hökümət üçün səni hərbi xidmətə göndərib başına bir güllə sıxmaq problem deyil, yaxşı fikirləş` dedi", - o qeyd edib.
Daha sonra B.Hacıyevə Harvardda təhsil almaq üçün Dövlət Proqramı çərçivəsində təqaüd verilməyib. "Hərbi xidmət məsələsi isə təhsil aldığıma görə,həm də ölkədən kənarda olduğuma görə ikinci planda qaldı. 2009-cu ildə məzun olub Azərbaycana qayıtsam da, hərbi xidmət məsələsi yenidən 2010-cu ilin iyul ayında, Bakıya qayıdıb seçkilərdə iştirak edəcəyimi bildirəndə və Bakıda bir neçə görüş keçirəndə yenidən gündəmə gəldi. O günlər Gəncəyə gedib Hərbi Komissarlıqda hərbi həkim komissiyasından keçdim. Bu təlaşların səbəbini soruşanda komissarlıq işçilərindən biri hər gün Prezident Aparatından və MTN-dən komissara zənglərin gəldiyini, məni təcili ya hərbi xidmətə, ya da həbsə göndərməyi tapşırdıqlarını dedilər".