Bakı/23.08.19/Turan: Dünən baş nazirin müavini Əli Əhmədov hökumətyönlü mətbuat ordusunun müşaiyəti ilə gözlənilmədən paytaxt bazarlarına reyd həyata keçirib. Ya internet-blogerləri, ya ticari ekspeditorları təqlid edərək, o, hər küncdə eyni sualı verib: neçəyədir? yox, bahadır. Və yarım saat belə keçib.
Tamaşaçılar uzun müddət baş verənlərin mənasını və tədbirin özünün məqsədini başa düşə bilməyiblər. Amma reportajın sonlarında məlum olub ki, baş nazirin müavini özü də bu mənanı başa düşmür.
Bazardakı qiymətləri tənqid edən hökumət başçısının müavini nəinki qiymətlərin yüksək olmasının səbəbini izah etməyib, onu müşaiyət edən kənd təsərrüfatı nazirinə və bazarların rəhbərliyinə də bu sualları verməyib.
Müvəqqəti ticari obyektlərə gedən Əhmədov orada qiymətlərin bazardakılardan 5-6 dəfə aşağı olmasından xoş təəccübünü dilə gətirib.
Baş nazirin müavini bununla nə demək istəyib? Ölkədə nizam-intizam yoxdur və alverçilər istədiklərini edirlər? Ölkədə kənd təsərrüfatı sahəsində dövlət siyasəti yoxdur? Müvəqqəti bazarlara getmək lazımdır?
Göründüyü qədər, Əli Əhmədova hakimiyyətin vətəndaşların qeydinə qaldığını göstərmək tapşırılıb. Baş nazirin müavini də bunu bu formada etməli olduğu qənaətinə gəlib.
Tapşırığın yerinə yetirilməsinin tamamilə əks təsirinin olacağını ehtimal etmək olar: insanlar növbəti dəfə hökumət üzvlərinin səviyyəsini, bazar iqtisadiyyatı qanunlarını necə anladığını, dərin islahatların nəticələrini və bütün bunların vətəndaşların rifahını necə yaxşılaşdırdığını görəcəklər.
İnkişaf etmiş sosializm dövründə sovet liderləri müntəzəm olaraq mağazalara və bazarlara "gözlənilməz" səfərlər edirdilər, bu zaman vətəndaşları aldatdıqlarına və pis xidmətə görə ticarət işçilərini nümayişkaranə şəkildə tənqid edirdilər. Bundan dərhal sonra qısa müddətlik piştaxtalarda nə isə ortaya çıxırdı, amma sonradan yoxa çıxırdı.
Ölkədə əsas ərzaq məhsulları yox olanda Xruşov belə səfərləri sevirdi. Heydər Əliyev də ticarət obyektlərini gəzirdi.
Bundan sonra hazırki hakimiyyətin öz liderinin işini davam etdirdiyi ilə razılaşmamaq çətindir. -02B-
Söz istəyirəm
-
Bu gün 2014-cü ilin fevralında başlayan rusiya təcavüzünün Ukraynaya qarşı genişmiqyaslı müharibəyə çevrilməsindən 1000 gün ötür. Min gün davam edən ağrı, itki, göz yaşı...
-
Dörd il əvvəl 7 minə yaxın insanın həlak olduğu İkinci Qarabağ müharibəsi başa çatdı. Daha sonra ermənilər Azərbaycanın "antiterror əməliyyatları" adlandırdığı döyüşlər nəticəsində Qarabağı tərk etdilər.
-
Ukraynada Rusiya təcavüzünün səbəb olduğu vəhşi, qanlı müharibə davam edir, bu müharibə hər gün insan həyatına son qoyur, evləri, infrastrukturu dağıdır, ekologiyaya və ətraf təbii mühitdə saysız-hesabsız itkilərə səbəb olur. Ukrayna bu dünyada hər kəsdən çox sülhə can atır, çünki bu Rusiya-Ukrayna müharibəsinin vəhşiliyini hər gün hiss edən bizik. Biz yaşamaq hüququ, azadlıq və ədalət uğrunda mübarizənin önündəyik. Ukrayna Avropanın və dünyanın sabit gələcəyi üçün etibarlı əsasa çevriləcək ədalətli sülh axtarır və buna yeganə alternativ yol Ukrayna Prezidenti Volodımır Zelenskinin Sülh Formulasıdır (Ukrayna Sülh Formulası).
-
Sıra nömrəsindən asılı olmayaraq, ümumdünya COP tədbiri yalnız iqlim dəyişikliyinə deyil, həm də humanizmə xidmət edən bir aksiyadır. COP keçirən ölkədə siyasi məhbus ola bilməz, COP keçirən ölkə insan haqlarına hörmət etməlidir.
Rəy yaz