SƏRDAR CƏLALOĞLUNUN CANFƏŞANLIĞI

Sərdar Cəlaloğlunun təsisçisi olduğu `Hürriyyət` qəzetinin bu günkü
sayında (17 iyul 2009) `Beynəlxalq təşkilatların Azərbaycana əsassız
basqısı` adlı məqalə çap edilib. Məqalənin başlığı qəzetin manşetinə
vurulub. Yazıda Emin və Adnan xuliqan adlandırılıb və bu gənclər
əslində onlara hücüm etmiş şəxsləri döyməkdə günahlandırılıb,
beləliklə onların həbsinə bəraət qazandırılıb. Bu həbsə sərt reaksiya
vermiş beynəlxalq təşkilatlar isə məsələni şişirtməkdə və
siyasiləşdirməkdə günahlandırılıb.
Məqalədən sitatlar:
`Gənclərin həbsini siyasiləşdirməkdə onların nə marağı var?`
`Baş verən bu hadisə həm də onu deməyə əsas verir ki, Azərbaycanda
fəaliyyət göstərən bir sıra beynəlxalq təşkilatların və səfirliklərin
nümayəndələri öz missiyalarını tamamilə unudublar. Əks halda onlar
belə axmaq-axmaq bəyanatlar verməklə, ölkəmizdə vətəndaş qarşıdurması
yaratmağa cəhd göstərməzdilər. Axı, iki gəncin adi xuliqanlıq
hadisəsinə görə həbs edilməsini bu qədər şişirdib siyasiləşdirməkdə nə
maraq ola bilər?
Digər tərəfdən, bu ölkələrdə, tutaq ki, Amerikada müxalif siyasi
baxışı olan insanlar azmı həbs olunur?...
(Məqalənin müəllifi burda quş buraxır, yəni indiki situasiyada da Emin
və Adnanın siyasi baxışlarına görə həbs olunduğu həqiqətdir. Yazının
müəllifi bunu bilməyərəkdən təsdiq etmiş olur. Bu da hakimiyyətin
kadrlarının intellektual göstəricisidir.- C.R.)
`O halda, bu ölkələrin ayrı-ayrı təmsilçiləri Azərbaycanın daxili
işlərinə burunlarını soxmaqdansa, öz ölkələrindəki problemlərin həlli
ilə məşğul olsalar, daha yaxşı olmazmı?`
Gördüyünüz kimi yazı üslubu `AzTV` üslubudur, ya da dövlət
qəzetlərinin hansısa birinin üslubu.
Aydın görünür ki, bu yazı hakimiyyətin sifarişidir. Təəccüblü olan,
bəlkə də heç də təəccüblü olmayan tərəfi bu yazının Sərdar
Cələloğlunun qəzetində çap olunmasıdır.
`Hürriyyət` qəzeti bir vaxtlar ölkənin ən populyar, müxalif
qəzetlərindən biri idi. Yəni kifayət qədər işıqlı keçmişi olan
qəzetlərdəndir. Amma hal-hazırda bu mətbu orqan ən idbar qəzetlərdən
birinə çevrilib, burda nə qədər desəniz hakimiyyəti təbliğ edən
material görə bilərsiz. Bu məsələnin birinci tərəfi...
İkinci tərəfdən Sərdar Cəlaloğlu kifayət qədər dindar adamdır, siz
onun yazılarında mütləq ən azı 3-4 dənə `Quran`dan sitat görə
bilərsiz. Bəs onda bu şər-böhtan kampaniyasına qoulmağın adı nədir?
Və ən nəhayət, məsələnin üçüncü tərəfi. Sərdar Cələoğlu bu yaxınlara
kimi ən mübariz müxalifət liderlərindən biri kimi tanınırdı. O,
əvvələr dəfələrlə təqiblərə məruz qalıb, üstünə şər atılıb, həbsdə
yatıb.
Bu zaman da beynəlxalq təşkilatlar ona öz dəstəyini verib, hakimiyyət
əleyhinə bəyanatlar səsləndiriblər. Azərbaycan məhkəmələri əsassız
olaraq Sərdar bəyin əleyhinə qərarlar çıxarıb. Bu ölkənin məhkəmələri
belə ədalətliydisə onda niyə Sərdar bəy sonradan Avropa məhkəməsinə
müraciət etdi və hakimiyyətdən külli miqdarda kompensasiya aldı.
Düzdü sonradan o siyasi kursunu dəyişdi və var gücü ilə hakimiyyətlə
dialoqa can atmağa başladı. Tahir Kərimlinin başına gələn onun da
başına gəldi, yəni hakimiyyət onun bu `canfəşanlığını` heç vecinə də
almadı. Görünür Sərdar bəy bu tip məqalələri qəzetinə yerləşdirməklə,
ümidinini hələ də itirmədiyini göstərmək istəyir.
`Yeni Musavat` qəzetində də buna bənzər bir yazı çıxmışdı. Təbii ki,
bu yazı da hakimiyyətin sifarişi idi. Amma bu yazının əleyhinə ilk
olaraq sərt münasibətini göstərənlərdən biri qəzetin təsisçisi İsa
Qəmbər oldu. Və bu yazının hakimiyyət tərəfdən sifariş ola biləcəyini
açıq-aydın ifadə etdi. Rauf Arifoğlu bu tip bəyanatlara və ictimai
qınağa görə geri çəkilmək məcburiyyətində qaldı.
İndi növbə sizdədir, Sərdar bəy `MOQEYİNİZİ` bildirin!!!