![Sonra?](https://turan.az/resized/media/2019/main/113000023395-750-500-resize.webp)
Bakı/30.11.19/Turan: Son günlərin mübaliğəsiz inqilabi qərarları avtomatik olaraq bir sual doğurdu: sonra nə olacaq? Bu, sadəcə, kadrların yerdəyişməsi və rotasiyasıdır, yoxsa dövlət quruculuğunda yeni mərhələ və artıq real islahatlar deməkdir?
Skeptiklər deyirlər ki, kadrların dəyişdirilməsi, hətta Ramiz Mehdiyev və Əli Həsənov kimi şəxslərin vəzifədən çıxarılması ölkədə ədalətin və azadlığın bərqərar olacağına zəmanət vermir.
Bununla belə, hakimiyyətə yaxın mənbələr deyirlər ki, ilk növbədə Əli Həsənov mirasının - uzun illərdir onun göstərişi ilə ayrılan qrantları yeyən kiçiktirajlı qəzetlər, lazımsız hökumətyönlü təşkilatlar və digər ictimai qurumlar şəklində nəhəng ideoloji “holdinq”in təmizlənməsini gözləmək lazımdır.
Mətbuat Şurası, bəzi televiziya kanalları, ilk növbədə Ə.Həsənovun oğluna məxsus “Xəzər” telekanalı təmizlənməlidir. KİV-ə Dövlət Dəstəyi Fondunda kadr dəyişikliyi olmaldır.
Bütün bu qurumların ölkənin keçmiş baş ideoloqunun nəzarətindən çıxması hələ onların sağlamlaşdırılması demək deyil. Özgəfikirlilər və rəsmi mövqe ilə razılaşmayanlar arasında düşmən axtarışı ilə bağlı əvvəlki kurs qalarsa, heç nə dəyişməyəcək. Ancaq ən başlıcası heç bu da deyil.
Nə qədər ki ölkə ideologiyası nifrət təbliğatına əsaslanacaq, TV ekranlarında yalan axacaq, İnternetdə şəxsi yazışmalar və yataq səhnələri yayılacaq, hökumətyönlü jurnalistlər arasındakı xunveybinlər mətbuat konfranslarında beynəlxalq müşahidəçilərə hücum edəcəklər sağlamlaşdırmadan danışmaq olmaz.
Vəziyyət o zaman dəyişəcək ki, mətbuatda alçaqlığa görə pul verməyəcəklər, Əli Həsənov kimilər bütün “vicdanlı azərbaycanlıları Rüstəm İbrahimbəyovun xəyanətini pisləməyə” çağırmaq cəsarətini özündə tapmayacaq.
Bütün bunlar mümkünmü?
-
- Foto sessiyalar
- 30 Noyabr 2019 13:00
-
- Siyasət
- 30 Noyabr 2019 13:47
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz