Noyabrın 30-da Avropa Məhkəməsi Azərbaycandan olan iddialar üzrə 10 qərarı açıqlayacaq

Bakı/24.11.23/Turan: Noyabrın 30-da Avropa İnsan Hüquqları Məhkəməsi (AİHM) Azərbaycandan olan 15 ərizə üzrə 10 qərarı açıqlayacaq. Bu barədə Avropa İnsan Hüquqları Məhkəməsinin monitorinq qrupunun rəhbəri Xalid Ağaliyev bildirib. 

İşlərdən biri Ədliyyə Nazirliyinin eyni adlı daha bir partiyanın mövcud olması ilə əsaslandıraraq qeydiyyata almaqdan imtina etdiyi Xalq Cəbhəsi Partiyası ilə bağlıdır. Söhbət daha əvvəl AXCP sıralarını tərk edən Razi Nurullayevin partiyasından gedir.

Ərizəçi hesab edir ki, bu halda İnsan Hüquqları Konvensiyasının 11, 13 və 18-ci maddələrinin pozulduğunu hesab edir.

Digər bir iddiada keçmiş səhiyyə naziri Əli İnsanov həbsindən və həbs müddətindən şikayət edib.

Daha bir iddia 11 il müddətinə həbs edilmiş dini xadim Abgül Süleymanov tərəfindən verilib.

Mehmet Çelik və Faik Semih Başoğlunun Azərbaycana qarşı iddiası onların saxlanılması və Türkiyəyə deportasiyası ilə bağlıdır.

AİHM Azərbaycandan olan iddialar üzrə daha bir neçə qərarını açıqlayacaq, məhkəmənin məlumat bazasında bu işlərin təfərrüatı göstərilməyib. 16D