Mətbuat-Monitorinq 12.09.13

Rəsmi və iqtidaryönlü qəzetlər dövlət başçısı İlham Əliyevin Şəmkir və Gədəbəy rayonlarına səfərinə dair xəbərləri ilk plana çıxarıblar. Bu qəzetlər Masalıı rayonunun sosial inkişafı və yol abadlığı məqsədilə dövlət başçısının 4 milyon manat vəsait ayırıması haqda sərəncamlarının mətnini dərc ediblər.

Bu qəzetlər ölkənin “Dəniz təhlükəsizliyi strategiyası”qanunun mətnini də səhifələrində yerləşdiriblər. 

“Azadlıq” qəzeti rəsmi Bakının seçkilə bağlı zonalara cavabdeh şəxslər təyin etdiyini yazaraq bu mənada nazir Kəmaləddin Heydərov və komitə sədri Kərəm Həsənovun məsul olduğu bölgələri “riskli zonalar” adlandırır. 

Qəzet Statistika Komitəsinin ölkədə səsvermə hüququ olan vətəndaşların sayını 6 milyon 467 mindən çox, Mərkəzi Seçki Komissiyası isə 4 milyon 986 min nəfər göstərdiyini yazır  və cəmiyyətə “1.5 milyon səsin aqibəti necə olacaq?” sualını ünvanlayır.  

Rəsmi Bakının seçki-təbliğat kampaniyası ilə bağlı kütləvi aksiyaların keçirilməsi üçün ayırdığı məkanları müxalif siyasilər “seçicini təhqir, qeyri-sağlam rəqabət göstəricisi” adlandırıblar. 

Dövlət başçısı İlham Əliyevin məmurları sərt tənqidlərinə vətəndaş cəmiyyəti institutlarının təmsilçiləri “İ.Əliyev məmurları tənqid etmək yox, onlara qarşı tədbir görməlidir” cavabını veriblər.  

“Zerkalo” rəsmi Bakının mitinqlərin keçirilməsi üçün ayer ayırmasının özünü sərbəst toplaşmaq azadlığının pozulması sayaraq bu addıma “burada olar, orada olmaz” mövqeyini ifadə edib. 

“Ekspress” Gürcüstanın Ermənistanla sərhədində azəbaycanlıların yaşadığı Sadaxlı kəndində sakinlərin ermənilər tərəfindən girov götürülməsini onları dədə-baba torpaqlarından qovmaq cəhdi və Gürcüstana ərazi iddiası adlandırır. 

“Exo” Azərbaycanda daşınmaz əmlakın 15% bahalaşdığını yazaraq bunu daşınmaz əmlaka tələbatın artması, təkliflərin azalması ilə əlaqələndirir. 

“Novoe Vremya” Gürcüstanın Ermənistanla sərhədində azərbaycanlıların kompakt yaşadığı Sadaxlı kənd sakinlərinə münasibətdə erməni hərbçilərin özbaşınalıqlarını “yeni etnik təmizləmə təhlükəsi” kimi dəyərləndirir. 

“Bizim yol”  məktəblərin təmir-tikinti işlərinin Bakı meriyasından alınaraq yenidən Təhsil Naszirliyinə verildiyini  bildirir.

Qəzet ekspertlərə istinadən bundan sonra Neft Fondunun ehtiyat yığa bilməyəcəyini illik qazancın büdcə kəsirini örtməyə güclə yetdiyini bildirir. 

“Yeni Müsavat” keçmiş iqtisadi inkişaf naziri Fərhad Əliyevin və qardaşı Rafiq Əliyevin azadlığa buraxıla bilməsindən Əliyevlərin mülklərinə yiyələnən komitə sədri Kərəm Həsənovun nararatlıq keçirməsinə diqqəti çəkir.

Milli Şura seçki-təbliğat kampaniyası ilə bağlı ilk kütləvi aksiyanı sentyabrın 22-də keçirməyi nəzərdə tutur.

Müxalif siyasətçilər rəsmi Bakının kütləvi aksiyaların keçirilməsi üçün ayrıdığı məkanları “kütləvi aksiyalar üçün ən uğursuz məkanlar” adlandırıblar.