2014-cü ildə Gəncə Alüminium Zavodu Det.Al Holding 54,8 min ton aşqarlanmamış alüminium ixrac edib. Bu, ötən ildə olduğundan 0,9% çoxdur. Məhsul satışından gəlirlər ($80,3 mln.) 2% azalıb.
İxtisaslaşdırılmış analitik resurslar ( http://www.webeconomy.ru) qeyd edirlər ki, “2014-cü il dünya alüminium sənayesi üçün bərpaedici artım nişanı altında keçib”. İlkin metal istehsalının 6% artması qeydə alınıb. İllik alüminium istehsalının həcmi 51,7 mln. ton təşkil edib. Buna metalın qiymətinin bir tona görə $1980-2100 diapazonunda davamlı artım tendensiyası da yardım edib, sayt yazır.
Rəqəmlər göstərir ki, Azərbaycan dünya alüminium bazarında zəif mövqe tutur. Bununla belə, tələbat artımına baxmayaraq, Azərbaycan alüminiumunun orta satış qiyməti $1465 və ya təxminən dünya qiymətindən 25-30% az təşkil edib. Bu fərqliliyin səbəbi məlum deyil. Türkiyəyə 97,7% Azərbaycan alüminiumu ixrac olunur.
Dövlət Gömrük Komitəsinin məlumatına görə, alüminium istehsalı üçün xammal (giltorpaq) ABŞ (9987 ton), Braziliya (20411 ton), Venesuela (10501 ton) və Yamaykadan (27663 ton) bir tona görə orta hesabla $418,8-a alınır. Əvvəllər müəssisələrin tələbatını ödəmək üçün giltorpaq Gəncədə “Azəralüminium” Dövlət Giltorpaq Kombinatında istehsal olunurdu.
Ümumilikdə, alüminium seqmenti üzrə xarici ticarət dövriyyəsi Azərbaycan üçün müsbət $30 mln., olaraq $143,4 mln. təşkil edib. Azərbaycan xammal ixrac edir, ancaq daha bahalı hazır alüminium məhsullar alır.
Qeyd edək ki, bu il alüminiumun qiyməti yenə də sabit deyil və qiymətlərin azalması müşahidə edilir. Fevralın 27-nə olan məlumata görə, London metal birjasında (LME) bir ton alüminiuma görə $1794 təklif olunub.
2011-ci ildə Gəncədə alüminuum zavodu istismara verilib. Zavodun gücü 50 min tondur. 2013-cü ilin mayından alüminium yarımfabrikatları istehsal edən (metal əritmə və prokatı zavodu, təzyiq altında emal və rəngləmə zavodu) zavodlar istismara verilib. Ötən il Det.Al Elektroliz zavodunun ikinci mərhələni istismara verməyi və gücünü 100 min tona çatdırmağı planlaşdırırdı. Bu planların gedişi barədə açıqlama verilmir.
Det.Al Holding-in planlarına qarşıdakı üç ilə ərzində Elektorliz zavodunun illik istehsal gücünün 200 000 tonadək artırılması, 125.000 ton istehsal gücündə Anod zavodunun inşası daxildir.08B
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz