“Cənub” qaz dəhlizi layihəsinin reallaşması şübhə doğurmamalıdır,- bu layihənin Məsvərət Şurasının Bakı iclasının yekunları üzrə keçirilən mətbuat konfransında ümumi rəy belə olub.
Azərbaycanın energetika naziri Natiq Əliyev deyib ki TANAP və TAP qaz kəmərləri “Cənub” qaz dəhlizi layihəsinin əsas elementləridir və onlar bir- birilə əlaqəlidir. Bu, ABŞ və Aİ-nin dəstəklədiyi böyük layihədir, çoxmilyardlı investisiyanı və bir çox ölkələrin və beynəlxalq maliyyə qurumlarının iştirakını nəzərdə tutur. Onun mürəkkəbliyi və miqyaslı olması da bununla bağlıdır.
Öz növbəsində Aİ-nin energetika üzrə vitse-prezidenti Markoş Şefkoviç qeyd edib ki, layihənin bütün iştirakçıları, o cümlədən Azərbaycan, Gürcüstan, Türkiyə və Balkan ölkələri öz öhdəliklərini yerinə yetirməyə hazır olduqlarını bildiriblər. Layihə çərçivəsində ilk qaz 2018-ci ildə Türkiyəyə, oradan isə Avropaya daxil olacaq.
Türkiyənin energetika naziri Berat Albayrak deyib ki, layihəyə cəlb edilən Türkiyə şirkətləri və təşkilatlar işi davam etdirirlər, layihənin reallaşmasını əngəlləyən məsələ yoxdur.
ABŞ Dövlət Departamentinin xüsusi nümayəndəsi Amos Xokştayn deyib ki, ABŞ və Aİ “Cənub” qaz dəhlizinin təhlükəsizliyinin təminatı məsələsində iştirakçılara yardım edəcək.
Turan-ın “Potensial qaz ixracatçısı kimi İran və Türkmənistanın layihəyə qoşulmasını gözləmək olarmı” sualının cavabında Xokştayn deyib ki, Bakı iclasında bu mövzu gündəlikdə olmadığından müzakirə edilməyib.03В-
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz