Bu ilin 11 ayında Azərbaycan iqtisadiyyatına 14,6 mlrd manat investisiya qoyulub (+14,8%). Bunun 5 463 mln-u və ya 37,4% özəl sektorun payına düşür, deyə Dövlətstatkomda Turan-a bildiriblər.
İnvestisiya layihələrinə dövlət büdcəsindən 6 890,6 mln manat, büdcədənkənar dövlət fondlarından 491,6 mln manat qoyulub. Daxili investisiyaların 79,2%-i dövlətin payına düşür. Ümumi portfeldə daxili investisiyaların payı 74,1%-dir.
Neft-qaz sektoruna 4 342,1 mln manat qoyulub. Bu, ötən ilin eyni dövründəkindən 33,9% çoxdur. Qeyri-neft sektorunda əsas kapital artımı 8,2%-dir. İlin əvvəlindən qeyri-neft sektoruna 10 250 mln manat vəsait qoyulub.
İnvestisiya portfelində kənd təsərrüfatının xüsusi çəkisi 3,5%-dir (515,8 mln manat). Emal sənayesi 6.2% (903,2 mln manat), nəqliyyat 20.3% (2 964 mln manat), su təchizatı və tullantıların təmizlənməsi 6,6% (955,6 mln manat), tikinti 3,3% (475 mln manat) və s. paya malikdir. Mənzil tikintisinə 1 082 mln investisiya qoyulub.
Xarici investisiyalar 3 776,5 mln manat təşkil edib. Səkkiz ölkə (Britaniya 1 354,4 mln, Norveç 467,6 mln, ABŞ 454,6 mln, Yaponiya 346 mln, Türkiyə 270,5 mln, Çexiya 258,1 mln və Fransa 150 mln manat) portfelin 87,4%-ə malik olub. 08D
İqtisadiyyat
-
2024-cü ildə Azərbaycanın əmək bazarı qarışıq bir mənzərə yaradır: işsizlik səviyyəsində cüzi azalma ilə yanaşı, gənclərin məşğulluğunun təmin edilməsində artan çətinliklər mövcuddur. Məşğulluğun formallaşdırılması və iş yerlərinin yaradılmasında mühüm irəliləyişlərə baxmayaraq, işçi qüvvəsinin artımı ilə mövcud iş yerləri arasındakı uyğunsuzluq ciddi bir problem olaraq qalır.
-
SOCAR Türkiyə Türkiyənin ən böyük xarici investoru, İstanbulda 2024-cü il fəaliyyət nəticələrini nəzərdən keçirmək üçün mətbuat konfransı təşkil edib. Tədbirdə SOCAR Türkiyənin baş icraçı direktoru Elçin İbadov və Şirkətin Emal və Neft-Kimya Biznes Vahidi rəhbəri Kənan Mirzəyev çıxış edərək nəticələr barədə fikirlərini bölüşüblər. Tədbirdə Azərbaycanın media nümayəndələri də iştirak ediblər.
-
Azərbaycanın enerji sektoru ölkə iqtisadiyyatının təməl daşı olaraq qalır və dövlət gəlirlərinin təxminən yarısını təmin edir. Bu, əsasən neftin yüksək qiymətləri ilə dəstəklənir. Neft hasilatında tədricən azalma müşahidə olunsa da, azalma tempi zəifləyib ki, bu da ölkənin karbohidrogen ehtiyatlarının idarə edilməsində sabitləşdirici yanaşmanı əks etdirir.
-
2024-cü ildə Azərbaycan inflyasiya təzyiqləri, davamlı devalvasiya qorxuları və məhdud struktur islahatları ilə xarakterizə olunan çətin iqtisadi dövürdən keçdi. Rəsmi məlumatlar mülayim inflyasiyaya işarə etsə də, dərin iqtisadi zəifliklər və artan ictimai narazılıq ölkənin maliyyə sabitliyinə kölgə saldı, iqtisadçı Qubad İbadoğlu qeyd etdi.
Rəy yaz