FAO Azərbaycana çəyirtlələrlə mübarizə aparmaqda kömək edəcək

Azərbaycan BMT-nin Ərzaq və Kənd Təsərrüfatı Təşkilatı (FAO) ilə iki qrant müqaviləsi imzalayıb. Toxumçuluğun inkişafı və çəyirtkələrlə mübarizə layihələrinin büdcəsi $1 mln manatdır. 

Sazişi sentyabrın 10-da kənd təsərrüfatı naziri İsmət Abasov və FAO-nun Mərkəzi Asiya üzrə Subregional Koordinatoru Mustafa Sinaser imzalayıb. 

“İqtisadi Əməkdaşlıq Təşkilatına üzv ölkələrdə toxumçuluq sahəsinin inkişafı” layihəsinin qiyməti $400 mindir və 2013-2014-cü illərdə icra ediləcək.  Layihənin məqsədi mövcud toxumçuluq sektorunun inkişafı üzrə milli və regional səviyyədə toxumçuluq siyasətinin hazırlanması, layihənin həyata keçiriləcəyi ölkələrdə toxum istehsalının və ticarətinin artırılması, regional əməkdaşlığın və koordinasiyanın gücləndirilməsi, toxumçuluq sahəsində qanunvericiliyin beynəlxalq standartlara uyğunlaşdırılması, özəl toxumçuluq müəssisələrinin inkişat etdirilməsi, milli potensialın və bacarıqların artırılmasından ibarətdir.

“Çəyirtkələrlə bağlı vəziyyətin Qafqazda və Mərkəzi Asiyada milli və regional səviyyələrdə daha yaxşı idarə edilməsi istiqamətində” layihəsi 3 ilə icra ediləcək. FAO bunun üçün Azərbaycana $600 min ayıracaq. Layihənin məqsədi ilə çəyirtkələrə qarşı mübarizənin gücləndirilməsi, o cümlədən müəyyən ediləcək yerli ekspertlərin magistr səviyyəsində xaricdə təhsil alması, çəyirtkələrə qarşı qabaqcıl kompleks tədbirlərin həyata keçirilməsi, bu sahədə regional əməkdaşlığın inkişaf etdirilməsi və intitutsional, texniki və kadr potensialının gücləndirilməsidir. 

Hazırda FAO tərəfindən 4 milli layihə və 8 regional layihə həyata keçirilir. Bu layihələr üzrə Azərbaycana texniki dəstək orta hesabla $ 500 mindir. 08D