![Məmurlar növbəti dəfə vətəndaşların hesabına rifahlarını yaxşılaşdırmaq qərarına gəliblər](https://turan.az/resized/media/2013/main/010700023634-750-500-resize.webp)
Məmurlar növbəti dəfə vətəndaşların hesabına rifahlarını yaxşılaşdırmaq qərarına gəliblər
Yanvarın 1-dən dövlət rüsumlarına dəyişikliklər edilib, vətəndaşalr və şirkətlər müəyyən əmıəliyyatlar üçün 2 və daha çox dəfə artıq ödəyəcəklər.
Məhkəmə iddiaları üzrə dövlət rüsumunun məbləği artırılıb. Məsələn, əvvəllər 110 manatdan az iddia üçün 3 manat, bundan çox üçün 20 manat ödənilirdisə, indi bu yanaşma dəyişib: 500 manata qədər tələb üçün 20 manat, bundan çox üçün 30 manat ödəniləcək.
Cərimə qoyulması üçün iddia üzrə dövlət rüsumu indi 40 manatdır. Ədalət naminə deyək ki, apellyasiya və kassasiya şikayəti üzrə dövlət rüsumu azaldılıb. Əvvəllər bu məbləğ birinci instansiya məhkəməsi üçün dövlət rüsumunun 120 və 150%-i qədər idisə, indi bunun 50%-i kifayətdir.
Daşınmaz əmlak əməliyyatları, vətəndaşlıq vəziyyəti aktlarının qeydiyyatı, viza sənədləşməsi, müqavilələrin notarial təsdiqi üçün dövlət rüsumu həcmi ciddi artırılıb. Məsələn, əgər əvvəl qohumlar arasında daşınmaz əmlakın özgəninkiləşdirilməsi üçün 7 manat ödənilirdisə, indi bu məbləğ 13 manatdır. Bakıdakı əmlak başqasına satılırsa, dövlət rüsumu 200 manatdır. Əvvəllər bu məbləğ 110 manat idi. Başqa şəhərlərdə dövlət rüsumu 80 manat olub (əvvəllər 44 manat idi).
Əgər əvvəllər ad, soyadı və ata adının dəyişdirilməsi üçün 3 manat ödənilirdisə, indi bu, 10 manata başa gələcək.
Milli Məclisin üzvü Fazil Mustafa bu yanaşmanı doğru saymır. «Cərimə və dövlət rüsumlarının bir neçə dəfə artırılması özünü doğrultmur, məqsəd vətəndaşların hesabına məmurların sosial müdafiəsinin yaxşılaşdırılmasıdır. Bu, ölkə vətəndaşlarının hüquqlarının pozulmasıdır», deyə deputat qeyd edib. O, hesab edir ki, korrupsiya ilə mübarizə dövlət rüsumlarının yox, məmurların maaşının artırılması yolu ilə aparılmalıdır.
2011-ci ildə korrupsiya ilə mübarizə çərçivəsində dövlət başçısı cərimə sanksiyası və dövlət rüsumlarından əldə edilən vəsaitin 25%-30%-nin yol polisi, Gömrük Komitəsi, Ekologiya Nazirliyi, Əmlak Məsələləri Komitəsi, notariusların və s. əməkdaşlarının maaş artımına yönəldilməsi barədə sərəncam verib. --08B—
-
- Analitika
- 7 Yanvar 2013 13:13
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz