Prezident dövlət əmlakının özəlləşdirilməsi prosesini sürətləndirir

Prezident İlham Əliyev iyulun 19-da “Özəlləşdirmənin sürətləndirilməsi və dövlət əmlakının idarəedilməsinin effektivliyinin artırılması haqqında” fərman imzalayıb. Bu ilin may ayında prezident faktiki olaraq dövlət əmlakının özəlləşdirilməsi barədə yeni qanunun qəbuluna qədər özəlləşdirmə prosesini faktiki olaraq dayandırıb və bu vaxta qədər müəssisələrin özəlləşdirilməyə açılması hüququnu özündə saxlayıb.

Nazirlər Kabinetinə dövlət mülkiyyətində saxlanılacaq dövlət müəssisələrinin siyahısını müəyyən etmək tapşırılıb. Hökumət onların yenidən strukturlaşdırılmasını həyata keçirəcək və qeyri-profil hissələr özəlləşdirilməyə çıxarılacaq.

Hökumətə özəlləşdiriləcək müəssisələrin sağlamlaşdırılmasına və onların borcunun tənzimlənməsinə, həmçinin müəyyən sosial problemlərin həllinə dair təklifləri təqdim etmək tapşırılıb.

Fərmanla Bakıda və ölkənin digər şəhərlərində müəssisələrin baş planları nəzərə alınaraq bəzi torpaqları dövlət mülkiyyətində saxlanılacağə nəzərdə tutulub.

Nazirlər Kabineti iri dövlət şirkətlərinin maliyyə-təsərrüfat şəffaflığının artırılması məqsədi ilə korporativ idarəetmə prinsiplərinin tətbiqinə dair tətbirlər həyata keçirəcək.

Müəssisələrin özəlləşdirilməsi növbəsində birinciliyin müəyyən edilməsində regionda rəqabət aparmaq potensialı olanlara üstünlük veriləcək. Ancaq bu müəssisələrin siyahısı məhdudlaşdırılacaq və üstünlük fəaliyyətini dayandıranlara veriləcək.

Fərmanda 1996-cı ildən, dövlət əmlakının özəlləşdirilməsi anında fəaliyyətsiz olan Özəlləşdirməyə Nəzarət Dövlət Komissiyası barədə xatırladılır. Sonuncu dəfə baş nazirin rəhbərliyi ilə bu komissiyanın tərkibi 2007-ci ilin fevralın 28-də formalaşdırılıb.

Komissiya bir dəfə də olsun toplanmayıb və hesabat verməyib.

Komissiyaya özəlləşdirməyə nəzarətin artırılması, şəffaflığın və aşkarlığın təmin edilməsinə dair tətbirlərin görülməsi tapşırılıb.

Əmlak Məsələləri Dövlət Komitəsi KİV vasitəsilə ictimaiyyətə və xarici investorlara özəlləşdirmə üçün açıq olan müəssisə və obyektlərin siyahısını elan edəcək.

Prezident ƏMDK-ə bu fərmana qədər özəlləşdirməyə açıq olan müəssisələrin özəlləşdirilməsi prosesinu sürələndirməyi tapşırıb. --08D—