Qaz emalı zavodunun istismara verilmə vaxtı təxirə salınıb

Azərbaycanda yeni Neft-qaz emalı və Neft-kimya Kompleksinin (NQNK) yaradılması layihəsi çərçivəsində qaz emalı və neft-kimya zavodları müvafiq olaraq 2020-ci ilin əvvəlində və sonunda istismara veriləcək. Bunu NQNK-nın Təşkilat və nəzarət şöbəsinin müdiri Orxan Cəfərov cümə axşamı Bakıda “Neft-qaz həftəsi” çərçivəsində keçirilən konfransda bildirib.

Əvvəllər bu obyektlərin 2018-ci ildə istismara verilməsi planlaşdırılırdı. Buna qədər ARDNŞ rəhbərliyi yeni neft emalı zavodunun istismara verilmə vaxtının da dəyişildiyini bildirib. Onu 2023-2025-ci illərdə istismara vermək planlaşdırılırdı. İndi H.Əliyev adına NEZ-də yeni qurğular tikilir. Yani NEZ-in 2030-cu ildən sonra istismara verilməsi planlaşdırılır.

ARDNŞ təmsilçisi deyib ki, qaz emalı zavodu üçün xammal ARDNŞ-nin müstəqil işlədiyi “Azəri-Çıraq-Günəşli”, “Ümid” və digər yataqlardan əldə edilən qaz olacaq.

Zavodun gücü ildə 12 mlrd kubmetr olacaq. Bundan sonra 800 min t polietilen və 300 min t polipropilen istehsalı qurğusu istifadəyə veriləcək.

O.Cəfərov qeyd edib ki, birinci mərhələnin dəyəri 7 mlrd ABŞ dolları təşkil edir (faizlərlə $8,45) və bunun 30%-ni dövlət ödəyəcək, qalan 70%-ni isə beynəlxalq maliyyə təşkilatları təmin edəcək: Layihə 4-5 ilə pulunu çıxaracaq.

O.Cəfərov deyib ki, neft-kimya zavodunda istehsal olunacaq məhsul ölkənin daxili tələbatının təmin olunmasına, eləcə də ixraca yönəldiləcək.

NQNK Bakıdan 60 kilometr məsafədə yerləşəcək, üç emal müəssisəsindən və istilik elektrik stansiyasından (İES) ibarət olacaq.

Turan-ın məlumatına görə, qaz emalı zavodunun tikintisinə 2016-cı ildə başlanılacaq. –12В--