![Şirə ixracı azalır](https://turan.az/resized/media/2014/main/081500087289-750-500-resize.webp)
Bu ilin I yarısında Azərbaycanda meyvə və tərəvəz şirəsi ixracı azalmaqda davam edib. Amma istehsalçılar xaricdə məhsullarına marağın artdığını bildirir.
Bu ilin 6 ayında xaricə $4 mln 887,1 min məbləğində 4 min 290,8 ton şirə (o cümlədən II rübdə 2 542,6 ton) ixrac edilib, - deyə Dövlətstatkomda Turan-a bildiriblər. Mal əsasən RF-ə ixrac olunur. Ekspertlər hesab edir ki, RF-in ABŞ və Avropadan ərzaq ixracına qadağa qoyması Azərbaycandan bu ölkəyə ixraca müsbət təsir edəcək.
DSK-nın məlumatına görə, ötən il Azərbaycan müəssisələri $9 mln 931,7 min məbləğində 9 min 826,8 ton meyvə və tərəvəz şirəsi ixrac edib. Bu, 2012-ci ildəkindən 14% və 12,6% çoxdur. Amma 5 ildə şirə ixracı 2,3 dəfə azalıb. 2009-cu ildə 22 min 658,4 ton, 2010-cu ildə 18 min 739,9 ton, 2011-ci ildə 13 min 744,4 ton məhsul ixrac olunub. 2009-cu ildə 1 litr şirə $0,76-a, 2013-cü ildə $1,01-a, bu ilin 6 ayında $1,13-a ixrac edilib.
Əsas şirkə ixracatçıları “Az-Granata” MMC, “AzNar” QSC və “Gilan Qəbələ Yeyinti Məhsullari İstehsali” ASC-dir. Mal RF, Ukrayna və başqa ölkələrə satılır.
Bazarda yeni istehsalçılar peyda olandan sonra Azrbaycanda himayəçi siyasət yürüdülür. Ölkəyə şirə idxalına yüksək gömrük vergisi tətbiq edilir. 2009-cu ildən (14 938,2 ton) idxal həcmi 3 dəfə azalıb. 2013-cü ildə idxal həcmi 5 449,8 ton olub, bu, 2012-ci ildəkindən 1,3% azdır. Bu ilin 6 ayında xaricdən 2 659 ton şirə gətirilib. 2009-cu ildə 1 ton meyvə və tərəvəz şirəsi gömrükdə $670-a bəyan edilib, 2013-cü ildə bu göstərici $1330-a çatıb. Bu il şirələr orta hesabla $1210-a bəyan edilir.
Yerli şirələr pərakəndə satışda 1 manat, idxal markaları 2-4 manatdır. --08B--
-
- Cəmiyyət
- 15 Avqust 2014 15:58
İqtisadiyyat
-
Tikinti sektoru şəhər mənzərələrini dəyişdirən, iqtisadi artımı təşviq edən və yeni iş yerləri yaradan əhəmiyyətli islahatlar keçirir, deyə Şəhərsalma və Memarlıq üzrə Dövlət Komitəsinin birinci müavini Namik Gummatov bildirib.
-
Avqustun 1-dən ərzaq və kənd təsərrüfatı məhsullarının istehsalçıları və satıcıları 2025-ci il üçün dövlət satınalmaları tələblərinə uyğun olaraq tedaruk.az saytında öz təkliflərini verə bilərlər. Müraciət müddəti sentyabrın 1-dək davam edəcək.
-
Son hesabatlara və müsahibələrə görə, Azərbaycanda son aylar pomidor qiymətlərində nəzərəçarpacaq artım müşahidə olunub ki, bu da əsasən yanacaq xərcləri və ya hava şəraiti kimi xarici amillərdən daha çox bazar inhisarçılığı ilə bağlıdır.
-
Azərbaycanın aqrar sektorunda 2024-cü ilin birinci yarısında 6 milyard 19 milyon manatlıq məhsul istehsal olunub ki, bu da ötən ilin eyni dövrü ilə müqayisədə 0,3 faiz çoxdur. Hesabatda kənd təsərrüfatının müxtəlif seqmentləri üzrə birmənalı olmayan dinamika vurğulanır, heyvandarlıqda artım, bitkiçilikdə azlama var.
Rəy yaz