“Cənub” qaz dəhlizinin səhmdarları bu ilin sonunadək beynəlxalq maliyyə institutlarından 2 mlrd. cəlb etməyi planlaşdırır”, - Azərbaycan Dövlət Neft Şirkətinin rəhbəri Rövnəq Abdullayev şənbə günü jurnalistlərə bildirib.
“Bu məsələ ilə bağlı Avropa Yenidənqurma və İnkişaf Bankı, Asiya İnkişaf Bankı və digər beynəlxalq maliyyə institutları ilə danışıqlar aparılır. Çox güman ki, 2016-cı ilin sonunadək həmin banklardan 2 mlrd.-a yaxın vəsait cəlb ediləcək”, - R.Abdullayev bildirib, lakin bunun hansı valyuta ilə olduğunu açıqlamayıb. Həmçinin o, “Cənub” qaz dəhlizinin (Cənub Qafqaz qaz kəmərinin genişləndirilməsi, TANAP və TAP) hansı seqmentinə vəsait yönəldilməsinin planlaşdırıldığını açıqlamayıb.
Bir qədər sonra əlavə edib ki, “vəsait 20 il müddətinə çox aşağı faizlə cəlb ediləcək” ki, bu da səhmdarlara bu layihənin reallaşmasına öz vəsaitlərini qoymamağa imkan verəcək.
SOCAR prezidenti bildirib ki, mayın 17-də Yunanıstanda Transadriatik qaz kəmərinin təməlqoyma mərasimi keçiriləcək.
Xatırladaq ki, bu il fevralın 29-da “Cənub” qaz dəhlizi Koordinasiya Şurasının II iclasının yekunları üzrə mətbuat konfransında Azərbaycanın energetika naziri Natiq Əliyev bildirib ki, Transadriatik qaz kəmərinin (TAP) inşası layihəsinin maliyyələşdirilməsi 2016-cı il aprelin 28-də tam həll ediləcək. O, Avropa maliyyə institutlarından kredit cəlb edilməsinin mümkünlüyündən danışıb.
Bundan öncə TAP Avropa Komissiyasının 33 prioritet enerji layihələri siyahısına daxil edilib ki, bu da o deməkdir ki, Avropa İttifaqı maliyyə-kredit təşkilatlarından 2 mlrd. avroya qədər kreditin ayrılması mümkündür. Bundan əlavə, kredit Avropada reallaşan layihələrə ayrıla bilər.
Beləliklə, belə nəticəyə gəlmək olar ki, R.Abdullayev məhz TAP üçün krediti nəzərdə tutub.
TAP-ın ümumi uzunluğu 878 km. təşkil edir. Bunun 550 km.-i Yunanıstanın şimal hissəsindən, 215 km.-i Albaniyadan, 105 km.-i Adriatik dənizindən və 8 km.-i İtaliyadan keçir. Yunanıstanda və Albaniyada boru kəmərinin quru hissəsinin diametti 48 dyum, dəniz və İtaliya hissəsi 36 dyum təşkil edir.
Yunanıstan, Albaniya və İtaliyada qaz kəmərinin quru hissəsinin inşasına 2016-cı ilin yayında başlanacaq və 42 ay ərzində başa çatacaq. Qaz kəmərinin dəniz hissəsinin tikintisi 2017-2018-ci ilin qışında həyata keçiriləcək.
TAP-ın səhmdarları: SOCAR (20%), BP (20%), Snam (20%), Fluxys (19%), Enags (16%) və Axpo (5%). -12C--
İqtisadiyyat
-
Türkiyənin Aksa Doğalgaz şirkəti, Kazancı Holdinqin bir hissəsi olaraq, Bursagaz və Kayserigaz qazpaylayıcı şirkətlərini almaq üzrə müqavilə prosesinin tamamlandığını elan edib. Bu şirkətlər 2019-cu ildən etibarən SOCAR Türkiye Energy AS-in (STEAS) tərkibində fəaliyyət göstərirdi, deyə Aksa Doğalgaz məlumat verib.
-
Nazirlər Kabineti, ölkənin milli kimliyini və mədəni dəyərlərini əks etdirən yaradıcı əsərləri təşviq etmək məqsədilə dövlət sifarişi ilə istehsal edilən filmlərin müəllifləri üçün minimum qonorar məbləğlərini müəyyən edən yeni qaydalar qəbul edib.
-
Azərbaycana çayın idxalı artıb. Dövlət Gömrük Komitəsinin məlumatına görə, 2024-cü ilin yanvar-noyabrında çay idxalı əvvəlki ilin eyni dövrü ilə müqayisədə həcmcə 3. 3 faiz artaraq 12 min 893 ton, dəyər baxımından isə 4.5 faiz yüksələrək 67 milyon 715 min ABŞ dolları təşkil edib.
-
"Azərbaycan Dəmir Yolları" QSC (ADY) 2024-cü ildə Şimal-Cənub Beynəlxalq Nəqliyyat Dəhlizi (NSTC) vasitəsilə tranzit yüklərin həcmini ötən ilə nisbətən 28% artıraraq 814 min tona çatdırdığını bildirdi. Bu artım, Şimali Avropa və Rusiyanı Hind okeanı ilə birləşdirən dəhlizin strateji potensialını üzə çıxarmaq istiqamətində Azərbaycanın göstərdiyi səyləri vurğulayır.
Rəy yaz